Tur kos ta kanando bon ku preparashonnan pa Viva La Música Latina Curacao 1016. Asina e organisadónan a laga di komprondé. E trabounan ta hopi intenso I pa e próksimo simannan ku a sobra e intensidat aki lo no bira ménos. Pero importante ta pa tur hende ta trankil I prepará nan mes pa un tremendo espektákulo musikal. E organisadónan ya a anunsiá nan line-up. Riba Djabièrnè lo presentá e masha popular orkesta for di Havana Cuba ANACAONA. Tambe lo tin presentashon riba Djabièrnè di e famoso Bachatero, Anthony Santos di Repúblika Dominikana.
GREGORY COLINA TA BAI TA GRANDI MES E BIAHA AKI KU SU TRIBUTO NA CELIA CRUZ !!!! korsow bo no por perde esaki !!!!!> Riba Djabièrnè 03 di Juni, i pa di dos aña konsekutivo,lo tin presentashon di e orkesta forma pa e talentoso músiko lokal Gregory Colina. Tur bishitante di e konsierto di Viva La Música Latina di aña pasa a keda masha enkantá ku e kalidat haltu nivel di presentashon di Gregory den e promé edishon di Viva La Música Latina I esei a pone ku e organisadónan mesora a komprometé nan mes ku e gran músiko aki ku e lo forma parti di e di dos edishon di e festival Latino.
GRAN TRIBUTO NA CELIA CRUZ
E biaha aki el maestro Gregory Colina a skohe Celia Cruz q.e.p.d. pa duna un tributo I dediká su presentashon den e di dos edishon di Viva La Música Latina na e gran kantante Cubana aki. Durante algu mas ku un ora,Gregory Colina i orkesta lo deleitá tur esnan presente ku kansionnan klásiko di e gran dama artista Celia Cruz. Gregory a traha un repertorio monstrusoso i ku lo bai tembla Sambil. Piesanan di mas bieuw ku Celia Cruz a yega di interpreta. Pero tambe su piesanan tempo di Fania All Star. Asina sigui bini abou i yega te na Celia su ultimo piesanan ku ku ela interpreta.Nos ta referia ki na piesanan di Emilio Estefan. Gregory Colina ta bai duna Celia Cruz un Homenaje ku e merese sigur sigur !!.
Pa e presentashon aki,Gregory a aserka diferente artista kantante femenino lokal pa nan forma partí di esnan ku ta bai interpretá e kansionnan di Celia Cruz. Kantantenan manera
*) Mafalda Miguel
*) Ana Alse
*) Melania v.d.Veen
*) Jarnice Aitatus
*) Verna Castaneer
Tur lo forma parti di e presentashon di Gregory Colina i su Orkesta.
Pero e chèri riba e bolo ta bira presentashon di Yumarya Grijt kende lo bini for di Hulanda pa forma parti di e presentashon di Gregory Colina i Orkesta. Esaki sin duda ta un tremendo notisia. Yumarya ta bibando aktualmente na Hulanda i por sierto a kaba di realisá un presentashon maestral interpretando kansionnan di Celia Cruz. Yumarya no ta un kantante deskonosí. Ta trata aki di un super kantante ku un tin bos fuerte. Kòrsou mester ta orguyoso di su yu di tera ,un kantante profeshonal ku ta presentá internashonalmente i riba un nivel haltu. I pa loke ta su presentashon den e Festival Viva La Música Latina, esaki lo bai kousa un sensashon sigur. E maestro gregory Colina a sigura e organisadornan ku e anja aki, su presentashon den Viva La Musica Latina 2016 lo bai ta aun mas grandi i poderoso musikalmente ku anja pasa. Otro motibu mas pa yunan di tera basha bai Viva La Música Latina 2016 ku ta tuma lugá riba dianan 03-04 di Yüni próksimo pa disfrutá di e presentashon di e artistanan internashonal,pero tambe esnan lokal ku ta DREAMS riba Djasabra i e Orkesta di Gregory Colina riba Djabièrnè.
Korsow,,bini tempran. Abo ku a yega un poko lat anja pasa i bo a perde un parti di e presentashon di Gregory, wak pa esaki NO pasa’bo atrobe . Sorru pa bo tei na tempo . Si bo no tin bo karchi ainda, buska esaki pura na Mensing’s Caminada,Albert Heijn,Licores Maduro,Sambil Shopping Mall . Karchi ta kosta awor aki i te ku dia 22 próksimo únikamente Nafls.99,00. Despues di esaki, entrada ta pasa pa Nafls.125 pa kada anochi. Pues probechá di e “early bird” I kumpra bo karchi awor un bes. Viva La Música Latina Curacao 2016 dianan 03 – 04 di Yüni riba tereno di stashonamentu di Sambil na Veeris. Sòru pa bo tei.