Djabièrnè, 7 di novèmber 2014, 7or di anochi den Galeria Kas di Kultura Kòrsou a tuma lugá apertura di e eksposishon “Black & White”. Vários artista lokal  famoso a krea obranan na blanku i pretu. Nan ta Anthony Wijsheijer, Ashley Mauricia, Astrid van Dorp, Audrey Leonora, Carl Ariza, Clay Carolina, Didi Domitilie, Gala Martinus, Garrick Marchena, Hilda de Windt-Ayoubi, Ivanah Suares, Rugia Zimmerman i  Papy Adriana. E propósito di e eksposishon “Black & White” ta pa mustra ku blanku i pretu, lus i sombra tambe ta hopi impreshonante i ta eksihí un kapasidat grandi pa krea un tipo di obra asina akí. Galeria Kas di Kultura at invitábu pa pasa atmira e obranan akí Koningin Wilhelminastraat 1, Skalo te ku 28 di novèmber 2014. Orario di Galeria Kas di Kultura Kòrsou: djaluna te ku djabièrnè di 09.00 pa 12.00 i mèrdia di 14.00 pa 16.30.