Willemstad, Curacao – 3 juli 2015- Moma Foodstore Curacao ta presenta MOMA. MOMA ta para pa Modern Market ku na ingles kemen un Merkado Moderno. Kiko ta un Merkado Moderno? Pa MOMA un Merkado Moderno ta un kombinashon entre un ambiente di supermarkado tipiko mane nos tur konose i un Marshe of Markt den airu liber mane nos konose den Punda of na Hulanda. “Loke nos kera logra ta di bin ku un konsepto nobo, kaminda nos ta kue e merkado tipiko di airu liber i hinke den un ambiente plasentero i moderno kaminda henter famia por disfruta ora nan ta kumpra, pero sin perde e ambiente rustiko di un Marshe”, sigun Maneho di MOMA.

Na MOMA tambe nos ta enfoka nos mes riba e famia moderno. E famia moderno sigun nos tin otro nesesidad kompara ku e famia traditional ku nos konose. Den un famia moderno, hopi biaha e mama i e tata ta traha duru. E famia moderno sigun nos manera di wak ke kumpra kos mas lihe i kumbiniente, kumpra berdura ku karni semi kla prepara kaba etc.

Pa hasi nan rutina di tur dia mas fasil i sobra mas tempu pa difruta di e kosnan importante di bida. Nos ta un merkado mas chiki, pero ku un variedad hopi kompleto, kaminda bo ta haña tur loke bo mester di un forma rapido.

MOMA ta konsentra riba e siguiente areanan pa hasi e eksperiensha di nos klientenan efishente i un alegria tur dia:

•   Ambiente komodo, limpi i sigur;
•   Produktonan di uza diario fasil di haña (orientá riba un surtido kumbiniente i un

  kolokashon kumbiniente den e rèkinan);

•   MOMA ta huza un strategia di ABC den nos surtido di produkto i rango di preis. Esaki

  kemen ku abo komo kliente di MOMA lo haña produktonan di kalidad A, B ku C. Esaki ta konta dimes manera pa nos preisnan. MOMA su preisnan ta aksesibel pa tur saku. Pasa na MOMA i komproba pa bo mes.

•   Kalidat de merkansía di MOMA ta hopi biaha más sigur ku ora bo kumpra na e supermerkadonan mas grandi tradishonal debí na e suministro diario di produkto fresku;
•   Preisnan fijo i hustu;
•   Surtido di produkto “ready to go” pa duna e famia moderno un man pa asina nan por

  dedika menos tempo na kushinamentu i sobra mas tempo pa pasa den famia “Quality time”;

•   Posibilidat di kumpra mayoría di komestibelnan di tur día na un luga so, kual ta mas kompakto i lihe. Esaki ta spar bo tempo i energía;
•   Nos personal amabel i proaktivo ku ta yuda bo kompleta bo lista di kompras tur dia mas rapido;
•   Pronto un surtido amplio i kompletu tambe di produktonan liber di gluten i organiko ku ta hopi pidí aworaki. E famia moderno poko poko pero sigur ta birando mas konsiente di loke nan ta kome.
•   Tambe nos lo tin un surtido amplio di tur Superfoods (nuts, dried fruits, powders, oats)
•   MOMA tambe tin un kafetaria kaminda nos klientenan por sinta i disfruta de un bon kòpi di kòfi i un desayuno of almuerzo. Tambe riba djabierne i djasabra nos tin “happy hour”

  na nos kafetaria.

  Responsabilidat Sosial di MOMA

  E logo bèrde di MOMA no ta pornada. E ta representa un vishon nobo pa e publiko en general di Kòrsou, kaminda MOMA tin e responsabilidat di karga e vishon aki i hasi’e realidat. “E bèrde den nos logo ta representa tur e áreanan de responsabilidat sosial,” sigun Maneho di MOMA:

•   E fundadonan di MOMA ta orguyoso “Yu di Kòrsou” i nan a hinka un monton di tempo i sèn den e proyekto aki pa e benefisio de nos Dushi Kòrsou. MOMA tambe tin un polítika pa traha ku mayoría di e poblashon lokal pa sigura ku MOMA ta dunando asina un kontribushon na nos sosiedat i asina aumenta nos Produkto Bruto Interno (PBI). Honestamente nos por bisa ku MOMA ta 100% “Yu di Kòrsou”.
•   Konsientisashon riba resiklahe – MOMA ta praktika diferente forma di resiklahe. Algun ehèmpel ta: 1) AWA DASANI, orguyosamente MOMA ta bende e línea di awa aki debi na e uso konsiente de plèstik i resiklahe de e produkto aki. 2) KEEP CUP di Café Barista, orguyosamente nos ta bende KEEP CUPS pa nos klientenan ku ta kumpra un kòpi di kòfie seka nos tur dia. Na luga di huza un kup desechabel, nos ta animá nos klientenan pa kumpra un KEEP CUP, ya asina e kliente por keda rehuza e kup aki tur dia na MOMA. Kada kliente ku trese su mes KEEP CUP ta haña un deskuento riba su kòfie 3) NOOSH djus di pèrs den friu, MOMA ta orguyoso di por bende pronto djusnan natural de pèrs den friu di Noosh ku ta wòrdu bendé den bòter di glas. Nos ta splika nos klientenan pa nan trese e bòter di glas nan aki bèk na MOMA despues di nan konsumo pa asina NOOSH por resiklá nan i rehuzá nan den nan siguiente produkshon. MOMA ta duna kada kliente un florin pa kada bòter di glas ku nan entrega bèk 4) Nos ta huza saku di plèstik rehuzabel di MOMA
•   Living Green i un estilo de bida mas saludabel – Na MOMA, nos ta purba di informa nos klientenan riba tur e benefisionan di biba “Green” i di tin un estilo de bida mas saludabel. Regularmente MOMA ta informá su klientenan a trabes di nan televishonan moderno den rèki di e tienda, kiko e produkto ta konsistí di dje i kua ta e prinsipal benefisionan di e produkto en partikular.
•   Empoderá nos agrikultor i empresarionan lokal pa produsí produktonan mas ekologiko i aumenta nos produkshon lokal pa asina krea mas oportunidad i kuponan di trabou. (entre otro NOS KUNUKU, NOOSH, MAX&BEE i hopi mas)

MOMA Modern Market ta un tipo de “supermerkado” nobo, ku ta ofresé klientenan produktonan principal di un manera ku ta fasil pa haña. Kalidat y freskura di produktonan ta mas sigur ku na e supermerkadonan tradishonal debí na nos suministro diario di produktonan fresku. MOMA ta brinda su klientenan e oportunidat de hasi nan kompra di dia na ún luga, ku ta un poko chikí, pero ku lo spar bo tempo y energia. MOMA pronto lo introdusí una liña kompletu di produktonan liber di gluten, produktonan organiko i ‘Superfoods”.

SPECIAL GRAND OPENING MOMA – Presenta e e-coupon aki, obtenibel riba nos facebook page, na nos kahera ku bo smartphone i risibí un deskuento di 5% riba henter bo kompra! Ku un kompra di minimo ANG 25,- pa por hasi huzo di e e-coupon aki! E kampaña aki ta balido for di 3 di juli 2015 te ku 12 di juli 2015.