Orguyosamente Dushi Magazine Curaçao por wak bèk riba un trayektoria eksitoso pa Miss Curaçao World 2014. Djasabra, 31 di mei, Kòrsou a presensiá koronashon di Gayle Sulvaran komo Miss Curaçao World 2014. E korona a keda entregá dor di Minister di Asuntunan Ekonómiko i Tursimo, Sr. Stanley Palm, direktora di Dushi Magazine, Sra. Suzy Koeiman i Miss Curaçao World 2013 Xafira Urselita. E sertamen final a estrená bou di guía di e piesa konosí, “We Are The World” ku a wòrdu interpretá pa nos artistanan lokal: Aisha Lucas, Randy Cordelia, Raynor Lauffer, Heinrich Pieter, Ramil, Mason, Amos Balentien, Djuric Virginie, Tito Doran, Gilmar Freitas, Anairia Nivelac, Url Isenia, Givienca Clotilda, Giltaly Doran, Jenny V, Veanira Reed, Tahnee Jane, Prins, Eldrison Eugenio. Promé ku e anochi aki, tabatin diferente aktividat i premiashon den eventonan anterior: Pa medio di e pagina di “Facebook” di Dushi Magazine i tambe di kada kandidata, públiko por sigi e proyectonan di multimedia ku kada kandidata a lansa pa promové Kòrsou internashonalmente. Komo parti di e eventonan ku ta relatá na Miss World, Kòrsou a risibí diferente diseñador di moda internashonal pa “Designer Night”, dia 28 di mart 2014. Durante e evento aki, a koroná kandidata nr. 5, Akisha Albert komo Top Model. Dia 6 di mei 2014, kandidatanan a prueba nan mes den un kompetensha di talento. Akinan kandidata nr. 6, Alexandra Krijger a gana e título di Miss Talento. Dia 10 di mei, tur kandidata a prueba nan mes den kompetensha di deporte, i kandidata nr. 8, Gwendeline Zimmerman a sali ganadó di Miss Miraçao World Sports Challenge. E premiashon ku a tuma lugá na final di e sertamen ta lo siguiente: Beauty With A Purpose: Komo esensia di e kompetensha, kandidatanan mester prueba nan mes riba e tereno humanitario, pa medio di un proyecto. Akinan kada kandidata tabatin un proyecto di nan eskoho, pa asina kontribuí na desaroyo positivo den nos komunidat. E ganadó di e tarea aki, a resultá di ta Kiobi Emerenciana. Miss discipline: Kandidata nr 1. Diona Angela.
Durante 7 luna semper na ora pa kursonan i workshop. Semper ta entrega enkargonan na ora i partisipa den tur evento, responsabel i nechi aregla tur ora. Miss Congeniality: Kandidata nr 1, Diona Angela. Partisipante nan a skohe e
persona aki. Miss Best Body: Kandidata nr 5, Akisha Albert. Durante di e presentashonan di trahe di baño hurado a deliberá esaki. Miss elegansia: Kandidata nr. 3, Gayle Sulvaran. Persona ku tabata mas elegante
durante su presentashonanan di henter anochi huntu ku puntuashon di trahe di gala. Miss Popular: Kandidata nr. 2, Kiobi Emerenciana. E persona ku mas fanatiko i ku a atraé mas públiko pa presensiá e anochi final. Miss fotogenika: Kandidata nr. 6, Alexandra Krijger. E persona ku fotógrafonan a skohe komo e partisipante ku ta sali mas bunita riba kamara i riba potrèt. 3er finalista: Kandidata nr. 6, Alexandra Krijger. 2do finalista: Kandidata nr. 2, Kiobi Emerenciana, ku lo representá Kòrsou na Miss Supranational 2014 na Polonia. 1me finalista: Kandidata nr 5. Akisha Albert, ku lo representá Kòrsou na Miss Earth 2014 na India. Miss Curacao World 2014: Kandidata nr. 3, Gayle Sulvaran, ku lo representá Kòrsou na Miss World 2014 na London. Dushi Magazine ta agradesido na e públiko ku a sostené e trayektoria kompleto, na Sr. Henny Reinilia ku a otorgá e responsabilidat pa organisá e sertamen, na tur miembro di prensa i tambe na tur spònsor: Insel air-CBA Television- Penha en Sons- Revlon By Bremar Agencies N.V- Curaçao Toursim Board -De Jongh’s Sport huis- CuraçaoLiquer Factory- Leañez International Corporation B.V- Event Services and party Rental -Help’r- OMNI- Via UNO- Charms -TDS. Pa informashon tokante e organisashon Dushi Magazine Curaçao: https://www.facebook.com/DushiMagazine. Potret kortesia di Dushi Magazine..