Willemstad – Curaçao Airport Partners (CAP) a risibí e aprobashon final di su Hunta di Kommisario pa sigui pa dilanti ku e ‘Airport Expansion Project’. E proyekto di ekspanshon di aeropuerto ta kana aproksimadamente dos aña adelanta, i e mehorashonan ku ta planiá ta supstansialmente mas ekstenso ku ta rekerí según e palabrashon den ‘concession agreement’ entre Gobièrnu di Kòrsou i Curaçao Airport Partners (CAP).
E ekspanshon planiá dor di CAP lo pone e kapasidat na aeopuerto subi pa akaprá sigur 2.5 mion biahero, i lo akomodá riba un manera efisiente e demanda antisipá pa e aeroliñanan pa ku kapasidat di servisionan aereo nobo. E ekspanshon lo dòbel riba un manera efisiente e kapasidat den e area di espera di biahero den e terminal, i tambe lo añadí un ‘jet bridge’ nobo ku por akomodá e avion komersial mas grandi (klase A380); tambe e ekspanshon lo proveé un ‘Arrivals Corridor’ nobo pa mehorá e fluho di biahero i redusí e ‘turn-time’ di avion pa mehorá konektividat. Ku e plan di ekspanshon tambe lo bin mas espasio pa komersio pa por ofresé servisionan nobo i mas amplio pa e kliente, i lo krea mas oportunidat pa ‘retail’ i pa konsumi den forma di kuminda/bebida.
Riba un otro nota positivo, CAP tambe lo proponé na Gobièrnu pa mantené e tarifanan di aeropuerto na básikamente e aktual nivel pa e siguiente tres (3) aña, esaki pasobra e kompania tin konfiansa den e e merkado di biahe pa Kòrsou lo sigui krese, pero tambe pa stimulá e interes pa Kòrsou komo un destinashon den region ku ta kompetitivo pa loke ta trata kosto. E tarifanan di aeropuerto ta e fuente di ingreso prinsipal di CAP pa rekuperá e kostonan di operashon, maneho i desaroyo di aeropuerto. E tarifanan di aeropuerto manera proponé pa CAP ta den e tabèl abou.
| Airport Tariffs in USD ($) | Current | 2016 | 2017 | 2018 |
| International PFC | $39.00 | $39.00 | $39.00 | $39.00 |
| Domestic PFC (AUA/SXM) | $20.00 | $20.00 | $20.00 | $20.00 |
| Domestic PFC (BON) | $10.00 | $10.00 | $10.00 | $10.00 |
| Transfer Fee | $5.00 | $10.00 | $10.00 | $10.00 |
| Parking Fee (per Ton MTOW) | $0.61 | $0.61 | $0.61 | $0.61 |
| Total Landing Fee (Per Ton MTOW) | $6.00 | $7.10 | $7.10 | $7.10 |
| (CAP Portion of total Landing Fee) | $3.55 | $3.55 | $3.55 | $3.55 |
| (ATC Portion of total Landing Fee) | $2.45 | $3.55 | $3.55 | $3.55 |
Nota: 1) PFC Internashonal ($39) i PFC Domestiko (AUA/SXM $20 i BON $10) ta permanesé manera nan ta.
2) PFC ‘Transfer’ tin un subida pa $10 pa rekuperá e kostonanan asosiá na e usuario den e segmento aki.
3) Aktual ‘Landing Fee’ di $6.00 pa Ton/MTOW (CAP $3.55 i DCANSP $2.4572) ta proponé pa un subida di $7.10 pa 1,000K/MTOW. Henter e subida di $1.10 ta atribuí na e servisionan proveé dor di ATC na aeroliñanan pa DCANSP. A proponé pa mantené e aktual komponente di CAP di $3.55 di e ‘Landing Fee’ durante e periodo di tarifa di 2016-2018.
E mehorashonnan na aeropuerto ta sumamente importante pa e kresementu kontinuo i desaroyo di e merkado di transporte di aviashon di Kòrsou, i pa ekonomia en general. “For di e perspektiva di CAP, no tin nada ku ta prevení nos di sigui pa dilanti ku e ekspanshon di aeropuerto, manera planiá. Sinembargo, un faktor importante nesesario pa nos por sigui ku konfiansa ku e ekspanshon ta e aprobashon final di Gobièrnu, mas lat den aña, di e tarifanan di aeropuerto manera proponé pa CAP, kual lo proveé e pronostiko finansiero ku nos, in nos finansiadornan, mester pa finalisá e palabrashonan finansiero”, CEO di CAP Ralph Blanchard a splika. Blanchard a sigui indika ku: “CAP ku plaser ke sigui promové riba un manera aktivo e desaroyo kontinuo di aviashon di Kòrsou, i pa hasi e invershon proponé , ya ku nos ta premirá ku tráfiko di biahero lo sigui krese i nos tin konfiansa den futuro di Kòrsou komo destinashon turístiko i komo sentro ekonómiko regional”.
E proyekto di ekspanshon di aeropuerto ta diseñá pa e kompania di diseño di aeropuerto internashonalmente famá Corgan Associates di Dallas Texas, ku kolaborashon di arkitektonan i kompanianan di ingeniero lokal i trahando ku estrecha koordinashon ku Curaçao Airport Holding (CAH) Di e tantisimo aeropuertonan internashonal ku Corgan Associates a diseña tin: : Miami International Airport, Atlanta-Hartsfield International Airport, Incheon International Airport (South Korea), Dallas-Ft. Worth International Airport, Los Angeles International Airport, i Sacramento International Airport. E proyekto di ekspanshon di Curaçao International Airport a ser planiá segun standard i konseho di the International Civil Aviation Organization (ICAO).
E pèrmit pa konstruí a ser entregá ku e antisipashon ku por kuminsá ku konstrukshon riba e dia planiá pa esaki, kual ta 11 di Yanüari 2016, i ku fecha final Aprel 2018. “E dos i mei (2½) aña di e programa di konstrukshon lo ta un estímulo pa ekonomía di Kòrsou, i ora finalisá, e lo proveé e plataforma operashonal i di komersio ku lo hasi di Kòrsou un di e aeropuertonan mas estétiko, kompetitivo i rendabel den Karibe”, segun Blanchard.