WILLEMSTAD:- Ronald McDonald House Charties Curacao Foundation (RMHC) ta orguyoso di anunsiá su di 4  kompetensia di gòlf anual “RMHC Curaçao Foundation Golf Classic”. E evento aki lo tuma lugá dia 6 di sèptèmber riba e kancha di gòlf Old Quarry na Santa Barbara Beach and Golf Resort. Tur fondo rekoudá lo wòrdu utilisá pa mantenshon di e Ronald McDonald Family Room den Hospital St. Elisabeth.

RMHC sekshon lokal:

E fondo rekoudá ta permití pa kontinua ku e trabaonan den RMHC Family Room i tambe yuda desaroyá inisiativanan importante ku lo benefisiá nos komunidat i espesialmente nos muchanan. For di su establesementu aki na Kòrsou RMHC a sòru pa identifiká, desaroyá i traha riba proyektonan ku ta apoyá programanan ku ta direktamente konektá ku salu hubenil riba tèrmino largu. Ku  e Family Room , RMHC Curacao Foundation a sa di yuda mas di 3200 famia y mucha na Korsow ofresiendo nan no solamente un área di rekreashon konfortabel na muchanan interná den hospital pero tambe ta brinda mayornan i famianan di muchanan aki un kamber konfortabel pa hospedá den dje ya ta serka di nan yu.

Kompetensia di Gòlf:

E kompetensia di gòlf aki ta habrí pa hungadónan di gòlf di tur nivel. Personanan ku inskribí i ku no tin tim lo wòrdu hinká den un tim dor di e organisashon. E kompetensia aki lo wòrdu repartí den 2 sekshon; un parti mainta i e otro parti atardi. Lo tin vários pakete di spònser disponibel na tur kompania i personanan individual ku ta interesá pa partisipá. Mas aleu lo tin aktividatnan sosial  ku premionan atraktivo pa partisipantenan. E seremonia di premio tambe lo tuma lugá na Santa Barbara Beach and Golf Resort. E premio grandi di e kompetensia aki lo ta participashon na Torneo di Golf na Puerto Rico kaminda e kompetensia di gòlf “Firm Golf Classic” lo wòrdu tene den 2015. E premio pa e “hole in one” lo ta un  precioso Volkswagen CC. Lo tin premio pa “longest drive”, “nearest to pin”, ganadornan di tim, ganador di segundo i terser lugá tambe. Bin i disfrutá di un tremendo kompetensia di gòlf i na mesun momentu yuda nos muchanan. RMHC Curaçaokier a gradisí tur spònser ku di un manera òf otro a aportá na organisashon di “RMHC Curaçao Foundation Golf Classic”. Un danki spesial na; McDonald’s , MCB, Coca Cola, Icars, Ennia, Banco di Caribe y All Sings & Neon y tur sobra spònser di tim i tambe esnan ku a hasi donashonnan pa premio y a kumpra un Tee sign. Riba foto por tuma nota di e Bunita Volswagen CC, ku ta e premio grandi pa hole in one. Photo 1: E Volkswagen CC ku ta pa esun ku golf un hole in one!