WILLEMSTAD – Online Shopping ta un realidad awor na Korsou. E siman aki, Goisco.com a bai Live. E website ta ofrese e komodidat di kumpra bo markanan favorito i hanja nan entrega te den bo kushina.

Goisco Wholesale Club a partner ku MiTOKO eCommerce Solutions i Cpost International, pa trese na Korsou un manera inovativo, rapido i fasil di shop. Goisco.com ta ofrese nos isla e posibilidat pa hasi kompras for di e komodidat di kas, trabou of skol riba kualke ora di dia. Huntu ku su Online Team, Goisco Wholesale Club ta para pa kalidat, presio abou i un eksperensia uniko pa yuda nan kliente spar tempu.

Kliente nobo por fasilmente habri un kuenta na www.Goisco.com i hasta hanja delivery Gratis na nan prome pedido. Pagonan por wordu hasi online via Credit Card of via swipe di Debit Cards ora ta hanja e pedido.

Goisco su one and only, Joel da Silva de Goes, ta splika kon fasil e ta: “Nos klientenan ta subi www.Goisco.com, bestel nan produktonan favorito anto bai Checkout. Aki, nan ta skohe e orario pa sea pasa buska nan pedido of si ta desea pa Cpost hasi entrega na kas of trabou. Goisco.com su Online Team lo soru pa henter e pedido ta kla pa e orario ku e kliente a indika.”

Goisco ta kompromete pa traha riba e desaroyo di inovashon, i ta ku orguyo e Wholesale Club a revela su billboard i slogan nobo: “Goisco.com. Save Time. Shop Online.”