Gobièrnu di Kòrsou i Kas di Kultura ta preparando pa un Fin di Siman yena ku hopi ambiente di Aguinaldo, Gaita i Tambú.

Festival di Tambú ta Djasabra 2 di Novèmber 2019, kuminsando 6or di atardi.
Festival di Aguinaldo i Gaita ta djadumingu  3 di Novèmber 2019, kuminsando 5or di atardi.
Kontrali di loke a keda komuniká anteriormente, tur e dos aktividatnan aki ta tuma lugá na Plasa Brion.
Pueblo di Kòrsou bo ta  keda kordialmente invitá pa bin habri e temporada dushi di fin di aña i kuminsá sinti e ambiente di Tambú Djasabra 2 di Novèmber for di 6or i sinti e ambiente di Gaita i Aguinaldo djadumingu 3 di novèmber for di 5or na Plasa Brion.
Gobièrnu di Kòrsou i Kas di Kultura ta invitá bo.