WILLEMSTAD, OUG 2018 –  Djabièrnè último Glacial a hasi entrega di 60 pakete di maternidat na Fundashon Duna Lus (Kraamkliniek). “Glacial ta un marka i produkto hopi stimá na Kòrsou; e ta un produkto di nos pueblo. Ta di mas bisa, kon importante un mama ta den desaroyo, kriansa i kuido di un yu. Nos ke duna un aporte na esaki entregando e paketenan di maternidat, ya e dama ku resien a bira mama por tin un bon komienso i por sigui ku e tradishon di kuida su yu i famia ku produktonan di Glacial”, esaki di akuerdo ku representante di Glacial, sra. Fahrida van West.

E donashon na Fundashon Duna Lus ta kuadra perfektamente den e liña di maneho di Glacial; ta enfoká riba kuido personal di kada miembro di famia. E fundashon ta dependé kompletamente di donashon ya ku nan no ta risibí sosten di gobièrnu, i Glacial ta kontentu di por duna un aporte. Ademas, awendia Fundashon Duna Lus ta duna kurso di embaraso; un di e tareanan di e tata ta pa prepará e tas di e mama pa bai Kraamkliniek ora ta asina leu. Mayoria biaha, e tata ta kontestá ku loke sigur no por falta, ta Glacial! E fundashon a risibí djabièrnè último 60 pakete di maternidat ku ta inkluí un peluche Pingwin, e maskota di Glacial. Tambe un babero, un Glacial rub, un hand sanitizer; importante ya ku mannan mester ta limpi konstantemente ora ta trata ku e beibi, tambe un Alcolado Glacial di 125 ml pump-spray; mas fásil pa usa i fásil pa hinka den tas, tambe un Alcolado Glacial 250 ml, un fèn portátil; importante pa e dianan kalor i tambe un lensu. E peluche Pingwin a wòrdu trahá na man ku hopi dedikashon, aki na Kòrsou mes.

Riba fotonan athunto por haña un impreshon di e bunita momentu ora ku Glacial a hasi entrega di e 60 paketenan di maternidat na Fundashon Duna Lus. Pa mas informashon tokante Glacial i tur e produktonan ku por yudabo den kuido di bo yu bishitá www.facebook.com/alcoladoglacial/