E dianan ta aserkando y falta apénas algun siman pa nos yega na e fecha mágiko kual ta djasabra 6 di yüli 2013. Manera ku nos a informá anteriormente den nos último rueda di prensa nos mester indiká ku tur kos ta kanadó den bon direkshon. Artista nan i músikonan a haya nan kantika kaba i ya nan ta praktikando esaki pa bin duna e públiko un tremendo show na Parasasa Beach. Espektativa nan ta haltu pa tur e artista nan aki ku ta bai interpretá kansionnan komponé durante di 20 aña di Gibi Doran pa asina duna honor na e tremendo músiko/artista aki. Hopi ta esnan ku ke mira i skucha Tito Nieves y Sergio George presentando un di e piesanan aki. E promé karchinan speshal na rason di 20 florin a kaba rápidamente. Aworakí tin karchi optenibel na rason di 35 florin pero op = op! Asina ku esakinan kaba ta karchi na balor di 50 florin lo tin pa e sekshon General. E sekshon di VIP ta na balor di 150 florin kaminda bo por mira e artistanan di aserka i bo ta haña 2 drinks i snack. NO pèrdè e obra musikal úniko i hamas bisto aki na Kòrsou. Kòrda buska bo karchi na Mensings, Beep Beep, Servei, Radio Mas i Tik Tak. Refineria Isla, Digicel, Mas99, Zenitel i Polar ta invitá bo.