E kantaoutor di salsa mas eksitoso di su generashon

WILLEMSTAD, Curaçao 2015: Gilberto Santa Rosa “El Caballero de la Salsa”, ganador di 5 premio Grammy lo ta presente durante di e promé edishon di Viva La Musica Latina. E salsero portorikeño lo ta riba esenario dia 29 di mei próksimo. Por spera un sin fin di hit durante di aproksimadamente 90 minüt di presentashon.  Santa Rosa a sa di desaroyá un estilo úniko di ‘soneo’- su manera di improvisá durante di su kansionnan a bira su ‘marka’ i netamente loke ta distinguié for di otro artistanan den su género. Un di e paréntesisnan den su karera ta su presentashon den Carnagie Hall Theater, New York.  Gilberto Santa Rosa a bira e promé artista di género tropikal pa por presentá den e teatro aki na unda ku míles di persona a akudí pa presensia e konsierto i otro míles mas a kumpra e produkshon despues “Live from the Carnagie Hall”.  Na 1996, e ta forma parti di e promé edishon di Festival Presidente na Sto. Domingo- den e mesun aña a lansa un di e produkshonnan mas bendí di su karera, “Caballero de la Salsa”. Na 2008, e ta partisipá na Concierto del Amor ku a tuma lugar na Madison Square Garden, otro sala yen pa presensiá e salsa romántiko di Gilberto Santa Rosa.  Produkshonnan ku a resultá masha eksitoso pa e kantante, “En Vivo desde el Carnegie Hall” (1995), “Esencia” (1996), “Perdoname” (2000), “Viceversa” (2002), “Auténtico” (2004) i muchu mas. Piesanan ku sigur lo por bai disfrutá di dje den Viva La Musica Latina Curaçao, por ta “Dejate Querrer”, “Conteo Regresivo”, “Perdoname”, “Amor mio no te vayas”, “ Que Alguien Me Diga”, “Lo agarro bajando” i muchu mas. Pèrkurá pa bo tin bo sapatunan di baile bisti, lo bo marka paso henter anochi! www.gilbertosantarosa.com

Tokante  “Viva La Musica Latina Curaçao 2015”:

Lo tin riba esenario durante  dos anochi, shete artista. E konsierto lo tuma lugá riba lugar di parker di Sambil riba e anochinan di 29 ku 30 di Mei próksimo. Un tereno kompletamente asfaltá, hanchu, pues ku hopi espasio. Lo ta e promé evento grandi ku lo tuma lugá na SAMBIL Curaçao; un punto stratégiko, fásil pa yega n’e i posibilidat pa stashoná outo riba e mes tereno ku e evento ta. Pa e gran evento aki lo tin un solo esenario pa públiko disfrutá di kada un di e konsiertonan sin pèrdè niun piesa. Ta konstruí un esenario enorme, sufisientemente grandi pa garantisá kambio rápido di un agrupashon pa otro, 30 minüt entre kambio di agrupashon musikal. Artistanan ku lo presentá riba djabièrnè dia 29 di Mei lo ta Guaco, Gilberto Sta. Rosa i Jorge Celedón. Riba djasabra 30 di mei lo presentá, Jose Alberto El Canario, Gran Combo de Puerto Rico, Alberto Barros i Olga Tañon. Riba tur dos anochi ta kuminsá 7.30PM. Entrada ta stipulá na 350 florin pa pakete di 2 anochi i 200 florin pa kada anochi respektivamente. Por kumpra karchi riba krédito via di Norsa N.V -akudí na Kaya Acacia 28 telefon 767 1563 òf na Punda telefon 461 4810.  Tambe tin posibilidat pa kumpra karchi ‘online’ via di www.ticketscaribbean.com; paga, print e-ticket i bin kuné riba e anochinan di konsierto. Pa mas informashon tokante di Viva La Musica Latina por bishitá e página di Facebook òf por yama +5999 737.2025 ext. 135. Keda pendiente pa algun kampaña interesante riba e página di Facebook di Viva La Musica Latina.