Willemstad – MEI- 2013; Resientemente Garnet NV a sera un akuerdo ku ENNIA; hasiendo esaki ta amplia e pakete di kondishonnan sekundario di trabou pa tur empleado.  Ku e akuerdo aki tur empleado ta bon sigurá den kaso di fayesimentu i aksidente, ademas di esei nan tin un areglo di penshun tambe.

Garnet NV ta un kompania ku ta hasi instalashon elektrotékniko ku mas di 15 aña di eksperensia den merkado. E kompania a sá di desaroyá su mes durante di e último añanan i bira un kompania renombrá na unda ku 30 empleado ta den funshon tur dia. Garnet NV ta un kompania ku sertifikashon pa instalashon den tur área elektrotékniko di un negoshi. E focus kontinuo pa amplia konosementu i práktika di e personal di Garnet NV, a hasi ku e kompania tin tur sertifikashon nesesario pa por wòrdu konsiderá un kompania lider den su sektor. E kompania ta hasi ademas di e instalashonnan básiko, tambe ‘zwakstroom’, instalashon doméstiko i instalashon di sistemanan solar. Garnet NV ta ekipá pa hasi tur inspekshon i mantenshon di e instalashonnan ku nan ta ofresé. “E akuerdo ku nos a sera ku ENNIA ta wòrdu konsiderá komo un invershon den nos empleadonan. Ta di vital importansia pa invertí den e forsa laboral di un empresa, spesialmente un manera di nos- na unda ku nos ke garantisá satisfakshon den trabou i servisio na kliente. Dunando nos empleadonan e atenshon nesesario,  nos ta krea un laso fuerte entre nan i nos kompania’, esaki di akuerdo ku Sr. German Isidora, direktor di Garnet NV

Riba foto athuntu: German Isidora, direktor Garnet NV i algun empleado huntu ku Reinald Curiel, Direktor Komerial di ENNIA, Maresca Albertus i Janice Sicking-Martina ámbos Accountmanager Pension and Employee Benefits di ENNIA