Bou tur nan fiel clientenan

ORANJESTAD, Aruba – 15 di april 2016: Relaciona cu e celebracion di dia di mama, Garage Cordia Aruba a lansa un campaña super special caminda cu, haciendo uzo di tur nan servicionan manera benta di Toyota nobo y autonan segundamano, CRC Bodyshop, Parts Department y Garashi, clientenan por participa den un gran tombola cu masha hopi premio masha atractivo. Sorteo lo tuma luga riba diabierna dia 6 di Mei net prome cu Dia di Mama.

Cu cada compra na balor di 100 florin of mas, bo por participa pa premionan grandi. Cada cliente cu gasta entre 100 y 5000 florin lo ricibi 1 ticket. Entre 5000 y 15000 lo entrega 5 ticket y 15000 florin y mas lo ricibi 10 ticket. E ticketnan lo wordo entrega na caha, basa riba e balor di e recibo.

E ticket mester tin nomber di e cliente, na ken e lo kier regala e premio, number di auto (si ta necesario), number di telefon y/of email adres.

Premionan ta entre otro Serenata di un Mariachi, ticket ida y buelta pa dos persona pa Corsou cu “Insel Air”, dinner for two na “Pelican’s Nest,”, Weekend Stay na Renaissance Resort & Casino, basketnan cu productonan di beyesa, masashi pa pareha, basket di Nivea di Manrique Capriles, Giftcard di Fantastic Gardens di AWG.150,- un Bolo grandi di La Patiseria y mucho mas. Campaña a cuminsa e siman aki.

Pues e aña aki, cumpra bo auto nobo, drecha e estilo of modelo di bo auto of service bo auto y a cambio bo por gana un cantidad di premionan masha atractivo ideal pa celebra dia di mama.