A entregá 17,500 florin na premio kèsh

WILLEMSTAD –  Dia 2 di yanüari último ‘Give & Win’ di Renaissance Mall & Rif Fort a finalisá. E kampaña ku a inspirá pa ‘duna un regalo’ durante di e temporada di fin di aña lo hasi klientenan kontentu dor di duna nan komo kumpradó oportunidat di gana premionan atraktivo. Pa kada 25 florin den un establesimentu partisipante nan a risibí un kupòn pa depositá den e buzon. Dia 2 di yanüari último, notario sr. Alexander a ofisialisá e sorteo di kual a saka 5 lòt ganador. 

Tabata Alvin Gerald Stacie ku a gana e promé, di dos i terser premio, Sra. Mariella Janga a gana e di kuater premio i finalmente Sra. Judite Bakhuis a gana e di sinku premio. Total e aña aki Renaissance Mall & Rif Fort a reparti mas di 17,500 florin na premio durante su kampaña di fin di aña 2016. Resientemente e ganadornan a bishitá departamentu di merkadeo di Renaissance Curaçao Resort pa risibí nan premio.