WILLEMSTAD, Kòrsou- yanüari – 2016: Manera usuarionan di Digicel sá, semper nan por gana premio i partisipá na kampañanan interaktivo riba e plataforma sosial. “Social Media a bira parti di nos komunikashon diario, Digicel ta konsiente di esaki ta p’esei mes diferente di nos plannan ta inkluí Social Media pa nos klientenan. Nos ta invitá tur usuario pa tene nos página di Facebook na bista. E aña aki nos lo ta hopi aktivo atrobe i lo tin oportunidat amplio di gana premio”, esaki di akuerdo ku representante di merkadeo, Sharvelo Felomina. 

Tabata den luna di desèmber di 2015 ku Digicel a tene un promoshon spesial riba nan Social Media. E kampaña promoshonal a reta tur usuario di Digicel su página di Facebook pa kompletá algun tarea i asina keda ku chèns di gana un di e tremendo premionan den e ‘Digicel Xmas Challenge’. Tareanan tabata variá; a kompartí kansionnan, kontestá charada, ‘upload’ video i mas. Durante 10 dia largu usuarionan por a partisipá usando e ‘hashtag’ #DigiXmasChallenge i #Bucketlist2015. Tur dia un tarea diferente. Entre esnan ku a kompletá e retonan ku éksito tabata Darrellyn Alberto, Alxiomar Gonzales i Inshindra Frans.

Resientemente e ganadornan a bishita Digicel Biesheuvel pa risibí nan premio. Masha pabien! Den 2016 tambe Digicel lo sigui hasi kampañanan riba Social Media, keda pendiente di Digicel su página di Facebook ku ademas di kontené informashon balioso pa kliente i ofertanan spesial ta dunabo chèns di gana premio tambe!