Willemstad, TDS ta ketu bai e úniko kompania lokal di televishon ku ta brinda tur wega di baseball di Liga Grandi te den bo kas. E elenko magnífiko di TDS, TeleCuraçao i Sambil, a hasi posibel p’e keintura di World Series tabata kayente den stadion di Sambil. Den e wikènt di 30 i 31 di òktober i djadumingu 1 di novèmber 2015, públiko por a gosa i di un tremendo transmishon di MLB riba pantaya grand, huntu ku nos komentaristanan. E públiko presente a keda malkriá ku regalonan outéntiko manera pèchi i jacketnan original di MLB, segun nan tabata kontestá e famoso MLB Quiz. Pa kulminá e evento riba djadumingu, ta yobida di SMS tabata drenta pa gana e premio grandi ku TDS i Sambil a pone disponibel. E pregunta mes tabata fásil.  Djis mester a kontestá ta ken lo sali kampion di World Series 2015. Den tur e kontesta nan, a toka turno na sra. Statia-Jansen, kende a bira e felis ganadó di e premio aki, ku tabata un pakete di e famoso MLB Extra Inning pa aña 2016 na balor di ANG 420. Riba pòtrèt por mira momentu ku señor de Gouveia i señor Lopez ta hasi entrega di e bunita opsekio aki na sra. Statia-Jansen ganadó di e premio di Major League Baseball, TDS i SAMBIL.