Banco di Caribe a entregá premio

Willemstad – Febrüari 2016: Resientemente Banco di Caribe a invitá e ganadó di ‘Travel Madness di Caribe’ destinashon New York i tambe e ganadó di e último Multicard Event, pa bishitá nan ofisina prinsipal pa risibí nan premio.

Klientenan na Kòrsou, Boneiru i St. Maarten por a partisipá na ‘Travel Madness di Caribe’ dor di apliká i risibí aprobashon pa sea un hipoteka, fiansa personal, fiansa pa outo òf un MasterCard di Banco di Caribe. Sra. Y. Choilan Sy a resultá e último ganadó di e kampaña aki; e’la gana un biahe pa New York pa dos persona, inkluyendo estadía i un MultiCard ku 1,000 dòler. Tambe, Banco di Caribe a entregá premio na e ganadó di su ‘MultiCard Special Event’ ku a tuma lugá den luna di desèmber último. Tur ku a kumpra, renobá òf rekargá un MultiCard na e evento di dia 5 di desèmber último, por a partisipá i gana un rekárga di 750 dòler. Sr. R. Pieter tabata e tremendo ganadó di e premio di e ‘MultiCard Special Event’. Banco di Caribe ta felisitá tur e ganadónan!