Willemstad – 9 di yanuari 2019. Awe, meskos ku e último 5 añanan, durante un seremonia festivo Kooyman a anunsiá e ganadónan di e Kampaña di fin di aña. E fakansi na Santo Domingu, un Bose Sound System I un Kooyman Gift Card di 250 florin a ser ganá dor di Onno Soetekouw, L .F. Doria Mora i Fabiola Marcos. Di kurason Kooyman ta yama nan pabien i ta deseá ku nan lo gosa hopi di e premionan ku nan a gana.

“A bira un tradishon pa sera aña na un manera festivo ku nos Kampaña di fin di aña i gradisí tur nos klientenan pa nan konfiansa i lealtat”, segun Herbert van der Woude, CEO di Kooyman. “For di fin di novèmber kada kliente a risibí lòt na kompra di 75,- florin of mas, ku ta dun’é chèns pa gana un di e tres premionan fabuloso. Hopi kliente a partisipá. E Kampaña di fin di aña a tuma lugá na e filialnan di Kooyman na Bonaire, Aruba i St. Maarten tambe, kada isla ku su mes ganadónan.”

“Gustosamente nos lo ke gradisí tur kliente pa e konfiansa ku nan a duna nos empresa den 2018. Den 2019 nos lo ta para kla atrobe pa sirbi tur hende mas mihó posibel.”