Lo selebrá 25 aniversario ku diferente premio atraktivo!

WILLEMSTAD – Manera ya ta konosí e Team di Destination Curaçao ta trahando duru pa e aña aki un biaha mas presentá un otro Christmas Showcase Beauty & Fashion Weekend. Lo tin diferente sorpresa e aña aki ku lo hasi e selebrashon di 25 aña unu inolvidabel. E fin di aña aki, lo tin chèns pa gana bo regalo di Pasku durante di Christmas Showcase! Huntu ku Universal Motors, Destination Curaçao lo rifa un KIA PICANTO kòrá motor 1.0 Liter DOHC, 3 silinder CVVT 69 HP, 5 speed manual transmission komo premio di porta. Tur persona ku kumpra un karchi di entrada lo risibí un lòt na unda ku nan lo mester yena nan nòmber, adrès, number di identifikashon, informashon di kontakto i tira esaki den e tómbola na Christmas Showcase. E rifa lo tuma lugá dia 30 di Novèmber, riba e último anochi di e evento. Pues esaki ta bo oportunidat pa disfrutá di un anochi ameno na WTC, sosialisá i mira tur loke e boothnan i e fashionshow tin di ofresé. Na final di e anochi, lo bo tin e oportunidat di bai kas ku un fabuloso KIA PICANTO pa bo lusi i kore tur pagara kuné e fin di aña aki. Lòtnan di tur 4 anochi ta partisipá. Christmas Showcase Beauty & Fashion weekend lo tuma lugá 27, 28, 29 y 30 di novèmber na World Trade Center, Curaçao. Tin ainda un par lugá (booth) optenibel, pues si bo ta deseá di bria ku bo partisipashon den Christmas Showcase Beauty & Fashion weekend 2014 “25th Anniversary”, tuma kontakto ku Destination Curaçao mas pronto ku ta posibel na numbernan di telefon 463-6178 òf 463-6494 pa reserva bo lugá. Keda pendiente pa diferente sorpresa ku lo tin e aña aki. Christmas Showcase Beauty & Fashion Weekend 2014 selebrando su 25 aniversario huntu ku pueblo di Kòrsou.