WILLEMSTAD – E aña aki ta e di sinku aña konsekutivo ku Renaissance Mall & Rif Fort i Carnaval Casino ta brinda pueblo di Kòrsou e grandioso kampaña ‘Island Xtravaganza’ na unda un i tur tin posibilidat di gana premionan fabuloso ora hasi kompra na un di e prestigioso tiendanan di Renaissance Mall & Rif Fort. Tantu Renaissance Kòrsou komo Renaissance Aruba ta den pleno kampaña un biaha mas. Pa kada 25 florin gastá den kualkier establesimentu, restorant, òf fasilidatnan di Renaissance Mall & Rif Fort e kliente ta risibí un kupòn spesial pa asina garantisá su partisipashon den e kampaña. Esnan ku ta  bishitá Carnaval Casino tambe por partisipá den e kampaña dor di bira miembro i risibí un kupòn pa kada 25 punto ku wòrdu akumulá riba e karchi di miembresia. Ta bon pa menshoná ku tur amante di wega di mesa tambe por partisipá. Den tantu Carnaval Casino i Renaissance Mall & Rif Fort tin un buzon den kuá mester depositá tur kupòn pa por ta den e rifa pa gana e premio grandi kual ta un KIA Sportage 2014 kompletamente ekipá. Ademas di esaki lo tin vários premio atraktivo ku por wòrdu ganá den e kampaña manera; Naf. 10.000 kèsh, biahe pa 2 pa Miami, biahe pa 2 pa Aruba i un paseo di kompra na balor di 1000 dòler den Renaissance Mall & Rif Fort. Pa hasi e kampaña aún mas atraktivo Renaissance Mall & Rif Fort i Carnaval Casino lo rifa premionan adishonal kada dos siman. Pa esnan ku ta deseá di risibí mas informashon tokante e tremendo kampaña aki por bishitá e Island Xtravaganza booth den Renaissance Mall di Djaluna pa Djasabra di 10:00am pa 6:00pm. Keda pendiente pa e diferente eventonan ku lo bai tuma lugá den transkurso di e kampaña aki. ‘Island Xtravaganza’ lo klousurá dia 28 di desèmber kaminda lo tene un gran evento pa famia kompletu for di 2’or di atardi te 11’or di anochi kompañá ku e rifa di e KIA Sportage 2014. Pues motibunan ta sufisiente pa bishitá Renaissance Mall & Rif Fort òf purba bo suèrte den Carnaval Casino i partisipá pa gana premionan realmente impreshonante!