Fun Miles ta regalabo e dòbel seis!
WILLEMSTAD – Fun Dominoes ta trese ratunan kontentu den famia. E kampaña ta e klímaks di e selebrashon 20 aniversario di Fun Miles. Miembronan tin chèns di gana 1 mion Fun Miles, vários kadóbòn i míles di otro premio mas e fin di aña aki. Ora ku bo shòp serka e diferente kompanianan partisipante bo ta keda premiá ku karchinan di Fun Dominoes. Raspa e parti dilanti di e karchi pa gana premionan instantáneo. Pega e ‘piedra’ di dominó parti patras, riba e bòrchi di wega di Fun Dominoes i lo bo tin chèns di gana premionan fantástiko. Esnan ku ke ta den wega pa e premio mayó di 1 mion Fun Miles òf un di e otro premionan grandi ta pega 10 piedra korektamente! E reglanan di kampaña i un lista kompletu di tur e premionan ku por wòrdu ganá ta riba funmiles.net/fundominoes.
Dianan di kambio: multipliká bo chèns di gana!
Bo ta buskando algun piedra spesífiko pa kompletá bo bòrchi di wega? Bishitá e dianan di kambio i multipliká bo chèns pa gana. E Fun Team lo tei djasabra 15 desèmber for di 10or di mainta pa 2’or di mèrdia na Kooyman Megastore Zeelandia, i despues di 2’or di mèrdia pa 6’or di atardi na Changes Saliña. Djasabra dia 22 di desèmber e Fun Team lo ta na Van den Tweel Zeelandia for di 2’or di mèrdia pa 9’or di anochi.
Fun Miles ta regalabo e dòbel seis
Fun Miles ta regalabo e dòbel seis ku ya kaba tin riba e bòrchi di wega! Pero, bo mester pega 10 piedra di dominó korektamente sí. Plak e piedranan riba e bòrchi di wega di Fun Dominoes i klá ta! Por buska e bòrchinan di wega grátis na kompanianan partisipante i na ofisina di Fun Miles. Reglanan stándart di dominó ta aplikabel: number mester kuadra! Ora ku kompletá e wega, mester deposit’é promé ku dia 1 di febrüari 2019 den e buzonnan spesial na Changes Punda, ENNIA Sambil, Kooyman Jan Noorduynweg òf Zeelandia, Van den Tweel Supermarket òf na ofisina di Fun Miles na Dominguito. Lo saka e ganadó den promé siman di febrüari 2019.
Mas informashon tokante Fun Miles?
Tuma kontakto ku servisio na kliente na number 465 3300 òf bishitá funmiles.net òf facebook.com/funmiles.