WILLEMSTAD – Esaki ta un primisia! Nunka ántes tabata tin partisipashon di un kasino den e programa di Fun Miles. Awór tin dos: Curaçao Casino i Princess Casino. Bishitantenan di e kasinonan aki por spar Fun Miles dor di usa nan karchi VIP ora di purba nan suerte na mashin. Pa duna inisio na e asosiashon ku Fun Miles, ámbos kasino tin e espektakular kampaña ‘Mile High July!’. Kada un lo regalá un total di 100,000 Fun Miles!
Tokante Curaçao Casino & Princess Casino
Curaçao Casino ta situá na Hilton Curaçao Resort i Princess Casino na Sunscape Curaçao Resort. Ámbos kasino ta pertenesé na e kasino(nan) di mas grandi riba nos isla. Kada un tin 220 mashin i un variashon grandi di wega di mesa, entre nan ‘Roulette’, ‘Black Jack’ i ‘Caribbean Stud Poker’. Diferente aktividat i entretenimentu bibu den fin di siman ta hasi ámbos casino masha atraktivo. Bishitantenan ta disfrutá di bebida i pasapalu grátis. *Ta kòrda tur miembro i bishitante pa purba nan suerte responsablemente.
‘Mile High July’: gana hopi Fun Miles
Bishitantenan por registrá pa un karchi VIP na Curaçao Casino òf Princess Casino. Unabes nan hasi uso di dje na kualke mashin, nan tin chèns di gana lòt pa e ‘Daily Promotion’. E mesun lòtnan aki, lo wòrdu usa pa despues saka e ganadónan di Fun Miles. Den luna di yüli, lo duna èkstra Fun Miles. Tur dia, lo tin 3 sorteo di 1,000 Fun Miles- den kada casino respektivamente. Dia 31 di yüli lo ta e rifa final i lo saka ganadónan di 3 premio grandi: 2.000, 3.000 i finalmente 5.000 Fun Miles. Aun mas motibu pa den luna di yüli bo tambe purba bo suerte na Curaçao Casino i Princess Casino.
Tokante Fun Miles
E aña aki, Fun Miles ta selebrá su 20 aniversario komo e programa di spar i troka mas grandi den Karibe. Miembronan di Fun Miles ta disfrutá kontinuamente di promoshonnan atraktivo di diferente partner di Fun Miles, manera e kampaña ‘Explore the summer!’ e temporada aki (mira e ofertanan riba funmiles.net òf den e korant spesial serka tur partner).
Mas informashon tokante Fun Miles?
Tuma kontakto ku servisio na kliente na number 465 3300 òf bishitá funmiles.net òf facebook.com/funmiles.