Kompartí e ambiente di Mundial ku e spit di Digicel LTE

WILLEMSTAD: E plannan di Digicel LTE prepaid ta ideal pa e temporada di Mundial. Tur e ambiente rondó di e weganan di mundial ta keda kompartí via di unidatnan mobil. Fásilmente un hende aki na Kòrsou por kompartí e euforia durante di por ehèmpel un wega di Portugal ku un familiar ku jùist ta bibando na Portugal. LTE Prepaid di Digicel ta ofresébo konektividat i union; e plannan Prepaid di Digicel ta yen yen data, mas yamada! Jorge Cuartas, Marketing Manager di Digicel ta komentá ku e mihó manera pa disfrutá di e weganan ta hasiendo uso di e spit LTE di Digicel. “Bo mester di e plannan pa bo keda konektá ku bo amigunan i famia durante di e diferente weganan di Mundial. Esmas, sigui e weganan via kualke unidat mobil. Saka foto, stream video i forma parti di e euforia mundial. ”

Komo un proveedor di entretenimentu total Digicel ta kontentu di por forma parti di e ambiente di Mundial. Esaki ta sosodé tur dia na e Red Village di Digicel, na Fusions Restaurant- Saliña Galleries. Digicel su LTE Prepaid plan tin klientenan entusiasmá ku e idea di ta risibiendo yen yen data! Esaki mes t’e motibu ku ta regalando diferente plan LTE Prepaid durante di e weganan. Pa gana un di nan fásil. Wak bo weganan faborito na e Red Village, kontestá algun pregunta durante di e Trivia Quiz- kada half-time pa bo partisipá den e rifa i finalmente lo bo tin chèns pa bo ‘Spin The Wheel’ i gana un LTE Prepaid Plan di Digicel. Jorge Cuartas ta finalisá bisando ku, “Semper tin un LTE Prepaid Plan ku lo ‘fit’ bo estilo di bida. Nos tin un variedat grandi; e plannan di data i yamada ta inkluí tambe yamada i SMS ilimitá pa tur number di Digicel. Tur plan, LTE òf Data Plan ta optenibel pa 1, 3, 7, òf 30 dia. Manda mensahe di WhatsApp ilimitá ku Digicel su plan di LTE prepaid! Tur plan di Digicel ta inkluí mensahe di WhatsApp ilimitá.” Disfrutá di e weganan!

Pa mas informashon por bishitá e página di Facebook di Digicel www.facebook.com/DigicelCuracao òf www.digicelcuracao.com