Kopa Mundial kada bes di nobo ta generá rekòrtnan. Tin biaha di pinalti, otro biaha di karchi kòrá i asina e ta sigui. Pa e motibu aki TDS tambe a disidí di hasi un kampaña kaminda henter pueblo di Kòrsou por partisipá. Na mayoria establesimentu ku a aserka TDS pa su señal, TDS a repartí lòt. E lòtnan aki ta pa tur fanátiko yena i rei kuantu gol total lo bai tin den e kopa mundial 2014 aki. E biaha aki, henter pueblo di Kòrsou por partisipá yenando un lòt i depositando esaki den un di e buzon nan di TDS na e establesimentunan. Premio pa esun ku tin e kantidat bon lo ta 12 luna di TUR kanal di TDS mas un bòks PVR ku ta graba kompletamente grátis. Último dia pa depositá bo lòt ta dia 30 di yüni 2014. E ganador lo wòrdu anunsiá dia 15 di yüli durante di e All Star Game na Tele Curacao. Otro bon notisia ta ku resientemente, TDS a lansa 2 kanal mas den High Definition spesialmente pa tur e fanátiko di Kopa Mundial 2014. E kanalnan aki solamente ta disponibel pa klientenan ku e bòksnan High Definition òf PVR (e bòks ku ta graba). Kanal 10, ta un kanal ku solamente ta disponibel ora tin partido di Kopa Mundial 2014. E kanal aki tin 2 posibilidat di audio kual ta papiamentu òf Ingles. E kanal ta standarisá riba e audio na Papiamentu pero si e kliente ta deseá e por primi su boton riba e remote ku ta bisa AUDIO i asina kambia e audio pa Ingles. Esaki tambe solamente ora tin partido. E di 2 kanal ta kanal 713 ku ta Nederland 1 den e vershon High Definition. E kanal aki si ta disponibel 24 ora pa dia durante di e temporada di Mundial 2014. E 2 kanalnan aki ta disponibel pa TUR kliente ku tin e 2 bòksnan ariba menshoná. Si akaso abo no ta risibiendo e kanalnan aki, tuma kontakto ku e departamento di helpdesk na 9242.