“Union ta hasi forsa”

Willemstad- SB  Montaña i SB Otrabanda a uni pa huntu organisa un nokout di Futsal  den kuadro di e projekto di UNSEBAKO “tene mucha i hoben di bario okupa na un manera sano”, pa hobennan di U 13, U 15 i U 18 . E nokout aki ta pa hobennan ku ta hunga den barionan ront korsou.  Tur esaki a tuma luga na e velt di bala den kura di SB Montana na Stakamahachiweg (dilanti santana di Montana). E aktividat tabata  13 i 14 november 2015 anochi di 7 or pa 10 or  Depues di un tremendo apertura dia 13 november 2015 di e Brasband di SB Souax nos a kuminsa ku e diferente teamnan di entre otro,  souax, montana, otrabanda, kanga, domi i sta helena, den e diferente kategorianan U13, U 15 i U 18 Tabata 2 anochi tremendo kaminda tur hoben a deberti na un manera sano. Nos lema a ilustra tur kos.

““Tene mucha i hoben di bario okupá na un manera sano”

Na final di nokout tur team a  risibi un sertifikado di partisipashon. E teamnan ku a bai final tabata souax i Domi kaminda Souax a  bira kampion den tur e 3 kategoria nan, Domi sup-kampion. Na nomber di SB Montana i SB Otrabanda nos  ke a yama danki na tur ku a kere den e dos organisashonan aki i tur ku a kopra ku nos boluntariamente, danki di kurason. Nos ta spera ku otro ana nos lo bolbe konta ku boso sosten pa e projekto di futsal.