Willemstad – April 2016 ta e luna den kual Kòrsou lo konose e promé edishon di Funstacle Masters City Run. Funstacle Masters City Run ta un konsepto espektakular i tambe nobo pa e komunidat di Kòrsou.

Funstacle Masters City Run ta un evento hopi dinamiko na unda ta stimula partisipantenan pa tuma parti di un kaminata of “run”, manera tambe sa yame, na unda riba e ruta lo topa ku diferente opstakulonan ku ta rekeri reto nan fisiko i mental. Preparabu pa kana, kore, gatia, subi, bula i muchu mas. Tur esakinan lo hasi e evento di opstakulo aki unu uniko i ku hopi aventura. Bo ta sintibu kla pa e Funstacle Master City Run Curaçao Edition, pasa inskribi tur djabierne i djasabra na Curaçao Sport Club (CSC) entre 5pm pa 7pm, kuminsando for di djasabra 26 di mart benidero.

E evento dinamiko aki lo tuma lugar djadumingu 10 di april 2016 proksimo ku lo kuminsa i kaba na Brionplein. E City Run di 5K lo start eksaktamente 7or di mainta. E evento ta apto pa tur edat, pero ku un edat minimo di 14 aña. Partisipa individual of forma bo grupo di amigu/a, famia, gruponan di skol, koleganan i bin pasa un dia inolvidabel i ku hopi divertishon i moveshon. Lo tin premio pa grupo mas anima i e grupo miho bisti. Prijs pa partisipa ta 20 florin. Karchi ta optenibel na Fun Miles su ofisina na Dominguito pa solamente 900 Miles òf 350 Miles plùs ANG 10.
Pa sa mas di e ruta, rekesitonan òf otro fecha nan i orario pa inskribi, bishita nos wepsait WWW.FUNSTACLEMASTERS.COM òf nos facebook page. Tambe por bel na 523-0223 òf 518-3625. E-mail: jchiquito@funstaclemasters.com