Skalo – Djaweps próksimo di 18 di Febrüari lo tin e primisia di e sine THE FINEST HOURS na The Movies. Ta trata aki di un sine tokante un di e mishonan di mas impreshonante di US Goast Guard kual a tuma lugá na aña 1952. Pues un sine ‘based in a true story’.

Mirando e importansha di e trabou di buskeda I reskate of ‘SAR’ kual ta pará pa ‘Search And Rescue’, a pensa ku lo ta un tremendo oportunidat pa trese/uza e sine komo fundraiser pa organisashon CITRO (Citizens Rescue Organization). CITRO ta operá kompletamente ku boluntarionan, CITRO no ta risbí supsidio, pero ta dependé kompletamente di sostén finansiero for di nos komunidat. 

Guardian Group Fatum den koperashon ku The Movies, Curaçao Beverage Bottling ku ‘Coca Cola’, I firma Tip Top Leañez B.V. ku nan biña di Gallo Family Vineyards, a tuma inisiativa I forma un team sostenedor pa yuda CITRO den nan afán pa rekouda fondo. E anochi ta kuminsa ku 19:00 un meet & greet tjikitu kaminda tur esanan presente por topa I kombersa ku e boluntarionan di CITRO kende ta prepará riba un base diario pa ta 24 ora pa dia 7 dia pa siman klá pa ranka sali pa hasi e trabou di buskeda I reskate. Ora bidanan humano ta na peliger of tin otro situashonan di emergensha riba laman ta CITRO ta e organisashon ku ta pará kla pa asistí. Pa 20:00 e sine ta kuminsa I presentenan por ‘enjoy the movie’!

Kartjinan pa e anochi agradabel’akí ta kosta 100 florin I ta optenibel na Mensing’s na Schottegatweg Oost; na Surprise na SBN Doormanweg; i na Benta di Amigoe ayá na Skèrpènè. Persona di kontakto pa kartji ta Señor Adriaan van der Hoeven ku number di telefon 569.7329. Kumpando kartji kiermen sostené trabou boluntario di CITRO. Anto tur esaki pasando un anochi sumamente agradabel, entrada, kos soft di bebe, biña, anto no lubida un sabroso popcorn!