Di dia 21 pa 27 di mei próksimo

Tur dia den e siman ariba menshoná lo tin aktividatnan tantu pa e públiko komo tambe pa e personal. Lo komuniká di e aktividatnan aki via di Televishon, Radio i Facebook. E punto sentral di e selebrashon di  Siman Internashonal di Kuido di Ambulans lo ta dia di Asunshon, djaweps dia 25 di mei awor for di 12 or di mèrdia te ku 8 or di anochi na Sambil. Huntu ku otro instansianan manera Polis, Brantwer, Warda Kosta i Citro, lo duna charla i demostrashonnan.

Meta di e aktividatnan aki ta pa hala atenshon di un públiko grandi pa mira kon Servisio di Ambulans ta funshoná. Tur kos ta kuminsá na momento ku un yamada drenta na sentral. Ta importante pa por duna e informashonnan korekto pa asina ei e Ambulans por Sali mas rápido posibel na e direkshon korekto. Servisio di Ambulans na e momentunan aki tras di kortina ta trata na profeshonalisá su organisashon.

E énfasis ta keda pone na e momentunan aki pa digitalisá e formulario di kareda, kaminda hinter e proseso di atministrashon ta keda hinka den otro. Riba tèrmino korto, FKA lo haña 3 ambulans nobo i lo tin atenshon na e preparashon i entrenamentu di e personal. Tambe ta bai traha riba e koperashon ku SEH(spoedeisende hulp) pa intensiva esaki!