Manera ya ta konosí djadumingu 30 sèptèmber último a tuma lugá e sorteo di e promé kas di Fundashon Kòrsou Kontentu. I ku sumo plaser a saka un ganadó ku a resultá sra. Melitza Daal. Awe mainta den un forma masha ameno a tuma lugá entrega ofisial di e yabi di kas i di e outo na señora Daal.

Den kompania di su famia i koleganan di trabou sr. Ali Hammoud i sr. Fabian Daou a entrega e kas i outo. Nan a manifestá nan satisfakshon ku un famia a gana e kas i asina hasi nan felis. Hopi emoshon a reina awe mainta durante di e akto aki.

Señora Daal tambe a konta kon sorpresa e tabata i ku sigur e ta felis ku e bunita regalonan aki. Riba e fotonan por tuma nota di entrega di e yabinan na sra. Daal dor di señores Hammoud i Daou, i sra. Daal huntu ku su famia i koleganan.