Fundashon Karnaval Banda Bou den kuadro di selebrashon di 50 aña Karnaval di Banda Bou ta bai ranka sali ku nan aktividatnan i lo bai tin dia 1 di yüli nan promé fundraising kual ta nan paseo riba baiskel ku ta hiba di nòmber Trap’é Pabou.

Esaki lo tuma lugá dia 1 di yüli i lo sali 3’or atardi.

Ruta : sali na vèlt di Barber, Kaya Prospero Royer, lora na rotònde Serapio Pinedo direkshon Soto, despues nos ta lora na Julianaboom sigui direkshon Sta Cruz i djei nos ta sigui i bin finalisá bèk na vèlt di Barber.

Animashon musikal ta na enkargo di Dj Bradley, DJ Shenten i Mc Tep. En konekshon ku esaki lo tin un gimmick djasabra awor di 10’or di mainta pa 1’or di merdia na sede di Fundashon Karnaval Banda Bou na Barber.

Kumpra bo karchi pa 25 florin i bo ta haña un squeeze bottle i un Power Rade drink kortesia di Coca Cola i tambe un deskuento pa bo kompra na Beton Industrie Brievengat.