Direktiva di Fundashon Karnaval Banda Bou ta den ful preparashon pa e Elekshon di Reina, Prens ku Pancho di Karnaval di Banda Bou 2015.

Djaluna 19 di yanüari 2015 presidente di Fundashon Karnaval Banda Bou, Sr. Sherman Felipa,  a hasi entrega di 40 karchi di elekshon di Reina, Prens ku pancho Hubenil di Karnaval di Banda Bou na e skolnan básiko di Banda Bou. Skolnan básiko di Banda Bou ku a risibí 40 karchi di entrada kada unu pa nan alumnonan ta: Kolegio San Hose na Barber, Kolegio Don Sarto na Soto, Kolegio Annie Koenraad na Tera Kòrá , Kolegio Ellis Juliana na Tera Kòrá i Kolegio Alablanca. Di e forma aki Fundashon Karnaval Banda Bou ke gradisí e pueblo di Banda Bou pa e sosten duna. E elekshon hubenil di Reina, Prens ku Pancho di Karnaval di Banda Bou 2015 lo tuma lugá djadumingu 25 di yanüari 2015 na Landhuis Groot Sta. Martha di 3 p.m. – 7 p.m. Entrada pe elekshon hubenil ta fl.10 E elekshon grandi di Reina, Prens ku Pancho di Karnaval di Banda Bou 2015 lo tuma lugá djasabra 24 di yanüari 2015 na Landhuis Groot Sta. Martha di 8 p.m. – 12 a.m. Entrada pe elekshon grandi ta fl.15 Karchi di entrada i ta optenibel serka tur partisipante, na 4th of July Snack i na Biep Tiew & More na Berg Altena. .. Ban Karnaval na Banda Bou kaminda Amor, Union i Positivismo ta reina..