ORARIO DI SALIDA DI MARCHANAN DI KARNAVAL BANDA ABOU:
Balloons Parade: 24 febrüari 2017
Salida 8.30 am
Punto di salida: Centro Minimarket ( SUA) Kaminda Prospero Rojer. Finalisá: 11.00 am Parke Himno i Bandera. Kantidat di partisipante: 1000 mucha di skol Básiko i Krèsh.
Karnaval di Banda Abou: 25 febrüari 2017
Salida 15.00 pm Punto di salida: Hofi Abou, Kaminda Prospero Rojer. Finalisá: 19.00 pm Kaminda Prospero Rojer na altura di Parke Himno i Bandera. Kantidat di grupo: 21 Kantidat di Partisipante: 1200 hende
PUNTONAN DI ATENSHON
GRUPONAN DI SKOL I KRESH KU TA BAI BALLOONS PARADE
Tur grupo di skol i krèsh ku ta partisipá den e Balloons Parade dia 24 febrüari 2017 mester ta presente 08.00 am na Centro Mini Market, Kaminda Prospero Rojer.
Tur Dj, garosa i vehíkulo ku ta partisipá den e Marcha di Balloons Parade mester ta presente 07.30 am stashoná riba Kaminda Prospero Rojer na Altura di Centro Minimarket ( Sua). Tur vehíkulo mester ta di kùr!
GRUPONAN DI KARNAVAL PA MARCHA DI KARNAVAL BANDA ABOU
Tur grupo ku ta partisipá den Karnaval di Banda Abou dia 25 febrüari 2017 mester ta presente pa 13.00 pm na nan number korespondiente, riba Kaminda Prospero Rojer. Tur Dj o banda musikal ku ta partisipá den Marcha di Karnaval Banda Abou mester kore e ruta Weg naar Wespunt, kita na Krakeel kue direkshon SOTO, sigui te Sta Cruz. Kita na man drechi kue kaminda Prospero Rojer. No ta permití niun trailer pasa den Klof. Bo ta hasi daño na bo ekipo pasombra tin brasa di palu ku ta kologá abou. Tur DJ, garosa o vehíkulo ku ta partisipá den e marcha di Karnaval Banda Abou mester ta presente 12.00 pm stashoná riba Kaminda Prospero Rojer segun numerashon risibí. Riba tur trailer mester tin un aparato di paga kandela. I tur trailer mester ta di kùr kaba.
Si bo no tin kos di paga kandela riba bo trailer i no a kùr bo no por partisipá den e Marcha di Karnaval Banda Abou.
SERAMENTU DI KAYA:
Baloons Parade 24 februari 2017: Lo sera Kaya dia 24 febrüari 2017 segun e marcha di Balloons Parade ta avansando lo bira e vehikulonan bèk.
Marcha di Karnaval Banda Abou dia 25 februari 2017: Lo sera tur kaya riba ruta di Karnaval esta Kaminda Prospero Rojer i tur Krusada ku ta finalisá riba e Kaminda Prospero Rojer pa vehíkulo motorisá pa 12.00 pm ( diesdos’or di mèrdia) dia 25 febrüari 2017.
REGLANAN DI KUR.
Tur regla di kùrmentu ta apliká pa e marcha di Banda Abou tambe.
BRANTWER.
Ta ekstriktamente proibí pa stashoná outo den un aria 10 meter rondó di un “brandput”
DRANHEK:
E aña aki FKBB lo introdusí dranhèk. Esakinan lo keda ubiká na altura di Sunshine Minimarket te na final di marcha na altura di Pomp di gasolin Barber. Ambos banda di kaminda. No por parker outo riba e ruta kaminda tin dranhèk! Si bo parker bo outo tras dje dranhèk lo kita bo outo ku kran riba bo propio gastunan! Durante ku e marcha ta pasa tur hende mester ta patras di dranhèk!
POMSTATION BARBER.
Ta ekstriktamente proibi pa parker outo riba e tereno di Pomp di gasolin Barber.
RODEKRUIS.
No por stashoná outo dilanti di e edifisio di Rodekruis na Barber.
LUGA DI PARKER PA KONVOI I OUTOMOBILISTANAN.
Tur konvoi ku ta transportá gruponan di Karnaval o bishitantenan mester stashoná riba vèlt di Bala na Baber. Tambe bishitantenan di Karnaval den aria di Barber por parker riba vèlt di Barber i den kayanan rondó di Barber. Ta ekstrikamente proibí pa parker dilanti porta di entrada i salida di kas di hende.
RUTA ALTERNATIVO.
Pa evitá stankamentu di tráfiko na final di marcha ta pidi habitantenan di Jandoret, Blue Bay, Desavan, Sharo, Veeris, Sta. Helena, Otrabanda i bisindario pa uza e kaminda di tera via Bullenbaai pa sali for di aria di Banda Abou. A laga drecha e kaminda pa asina fasilitá e fluho di tráfiko. Por uza mesun ruta tambe pa bini Banda Bou.
PRENSA
Tur miembro di prensa mester tin nan karnèt di prensa bisto na nan kurpa den e marcha. Ta estriktamnte proibí pa un miembro di prensa ta den e aria di dranghèk sin karnèt bistí. Si e no tin karnèt lo pidié p’e bandoná e aria ei i para patras di dranhèk. Si bo no tin bo karnèt di Prensa pasa regla esaki na AGKK.
ORDU RESPET I DESENSIA .
Tur bishitante tin ku sigui òrdu di polis mes ora. Tur partisipante tambe. No ta permití niun shofer, niun doño di grupo falta ku regla o òrdu di polis. Si lider di grupo no ta sigui òrdu di polis lo saké for di e marcha!
PERSONA DI KONTAKTO:
Pa tur informashon por tuma kontakto ku sra Lisette Jansen. Presidente di FKBB Tel: 5118916