Un djadumingu sumamente eksitoso ta loke ku Fundashon JAG huntu ku Fundashon Alelimo a eksperensia na Inskripshon Ofisial pa Festival di Tumba Hubenil 2019 i pa e tres diferente elekshonnan pa Embahadornan di Karnaval 2019. Un atardi ku promé ku 4’or ya tabata tin hóbennan kompaña pa nan mayornan pa por a inskribí nan mes. Un atardi ku a transkurí ku masha euforia i yena ku kolo i ambiente di e manera ku e hóbennan a bin inskribí nan mes. Di un forma “Kreativo Karnavalesko”.

Fundashon JAG a trese un Inovashon pa asina motivá nos hóbennan pa inskribí i sinti nan mes importante pa ku kada aktividat ku nan ehersé. Un rekòrt a wòrdu kibra un biaha mas na inskripshon pa Karnaval 2019. Inskripshon a será pa 18.15 pm i nos a yega na un total di : Reina Hubenil un total di 7 partisipante, Prens i Pancho Hubenil a inskribí 3 Duo. Pa loke ta Rei i Reina Tiner un kantidat di 7 Duo, 13 Reina Grandi i 7 Duo pa Prens i Pancho Grandi 2019.

Danki na tur ku ta kere den nos Fundashon JAG i huntu nos ta bai pa engrandese Nos Karnaval 2019. Riba e fotonan algun momento históriko pa ku Inskripshon 2019.