Manera boso ta na altura Fundashon JAG a haña e mandato ofisial for di man di Minister sra. Marilyn Alcala – Walle pa organisá Karnaval 2019. For di un par di luna kaba a bin ta traha riba diferente plannan pa ku Karnaval 2019. Den kuadro di esakinan nos ta habri for di awe ofisialmente, Inskripshon pa partisipantenan na elekshon pa Marcha Hubenil, Parada di Tiner, Marcha Grandi i Festival di Tumba Hubenil 2019 pa Kantante i Kompositor.

Si bo ta un hóben òf adulto disiplina, aktivo, sosial i ku stima Karnaval ku ta parti di nos Kultura, bo por inskribí pa asina forma parti di e sertámennan pa ku embahadornan pa nos Marchanan di Karnaval i Festival di Tumba Hubenil 2019.

Pa elekshon Hubenil edat ta 07 pa 12 aña, elekshon Tiner ta 13 pa 17 aña, no mag di tin yu, pa elekshon Adulto mester tin for di 18 aña i por tin yu. Sea bo ta forma parti di un grupo, organisashon òf individual bo por partisipá.

Inskripshon ta sera dia 23 di sèptèmber próksimo. I keda pendiente pa nos anunsiá unda i kon nos lo klousura e inskripshon di un forma karnavalesko. Pa por inskribí pa e tres elekshonnan por manda boso inskripshon na e siguiente mail : inskripshon.jag@hotmail.com. Pa mas informashon por tuma kontakto na telefon +599 9 526 0475 / 685 0475.

I pa Tumba Hubenil Kantante (09 pa 15) i Kompositor (15+) na:  Inskripshon pa partisipá na Tumba Hubenil 2019 a habri!

Inskribí awe mes òf puntra pa mas informashon via:

• tumbahubenil2019@gmail.com òf
• facebook: Tumba Hubenil 2019 òf
• telefòn : +5999 540-0826

Tuma bon nota di tur e informashonnan aki, paso ora ku nos sera inskripshon i nos tin e kantidatnan nos lo no por aseptá mas persona.