Djarason anochi Fundashon J.A.G. a reunié ku tur e Radio Emisoranan ku ta partisipá den e marchanan di Karnaval pa asina por informá nan oyentenan di tur desaroyo ku ta tuma lugá durante di e marcha. Espesialmente unda e Kabes di Marcha ta. Tantu pa nan oyentenan komo nan otro koleganan ku ta transmití. Pero ya pa un par di aña kaba tin algun problema pa ku e radionan den e sentido ku nan ta opstakulisá e moveshon di e marcha.

Despues di vários reunion ku polis a yega na akuerdo pa laga nan partisipá tòg pero mester splika nan ku tin algun regla pa tene nan mes na dje. E vehíkulonan mester tene un distansia di kuater palu di lus for di e Kabes ku ta e Protokòl di e Marcha. I esun mas prinsipal ta ku no por keda baha for di e vehíkulonan i para kombersá i / òf saka potrèt. Pa asina trese stagnashon den e marchanan. Konhuntamente a yega na un akuerdo ku dilanti di e fila di radio ta bai unu di hopi eksperensia i komo último tambe lo bai unu di hopi eksperiensha pa asina evitá ku lo keda para pòrnada durante di e marchanan.

Spera ku tur kos kana bon, nan tene nan mes na e akuerdo aki pa nos por tin un Felis Karnaval 2018.