Mirando ku ainda no tin klaridat pa loke ta trata COVID 19, mirando e eskases na kapasidat di stul i e posibilidat chikí i limitá pa organisá otro tipo di evento durante e festival di sine, Fundashon Bon Intenshon i IFFR a disidí na kanselá CIFFR 2021.

Ta un lastima, pero organisashon no ta haña ta responsabel pa bou di e sirkumstansianan akí organisá un evento ku ta atrae bastante hende tantu lokal komo internashonal.

Lo kontinuá ku e trayekto edukativo Challenges. Ya durante dos aña kaba, Anja van Bergen ta guiando hóbennan di skolnan sekundario di tantu Frater Aurelio komo Mari Stella, ku ta trahando short film ku nan smartphone, kaminda nan ta dokumentá nan bida. E trayekto akí ya kaba a produsí algun pelíkula interesante, ku lo estrená na Kòrsou promé ku 2020 termina.

IFFR den 2021 lo selebrá su di 50 edishon. Di febrüari pa yüni 2021 lo tin diferente evento interesante na Rotterdam i entre kual un programa speshal ku lo fokus riba pelíkulanan Karibense. Pa mas informashon di e festival IFFR i otro eventonan relashoná ku e festival, bishitá IFFR.com.

Pa mas informashon tokante CIFFR i Challenges tuma kontakto ku,

Percy Pinedo, CIFFR

5104946