SPAR I TROKA FUN MILES NA Wegenwacht Curaçao!

WILLEMSTAD – Miembronan di Fun Miles awor por spar i troka Fun Miles serka 24-7 Help Wegenwacht Curacao, e kompania di ekspertonan ku ta duna servisio lihé i profeshonal ora algu pasa ku bo outo. E hendenan ku ta miembro i tin problema ku nan outo, sea na kas òf riba kaya, por yama e number 9-24-7 kualke ora di dia i mes ora ta saka un trùk bon ekipá pa asistí bo. E seguridat aki ta hasi korementu di outo ainda mas ‘fun’ i pa e motibu ei Fun Miles ta orguyoso di anunsiá di tin 24-7 Help Wegenwacht Curaçao komo partner nobo. Pa selebrá e hecho aki tur hende ku bira miembro nobo di 24-7 promé ku 1 di sèptèmber lo risibí 247 Fun Miles èkstra i komo regalo tambe un charger útil pa bo karga bo telefon selular den outo. E oferta di introdukshon aki ta bálido tambe pa hendenan ku ya kaba ta miembro di Wegenwacht Curacao i paga nan kontribushon durante luna di ougùstùs.  

TOKANTE Wegenwacht Curaçao

24-7 Help Wegenwacht Curaçao ta un organisashon profeshonal ku un flete di trùk, pekùp i kran manehá pa mekánikonan kualifiká. Nan ta pará kla di dia i anochi pa brinda servisio ora bo outo daña òf bo ta ku situashonnan manera ku bo bateria a baha, bo tin tayer plat, a sera bo yabi den outo, tin problema ku e sistema di alarma di bo outo òf no tin gasolin. Si no por drecha bo outo na e sitio kaminda e ta pará, 24-7 Help Wegenwacht Curaçao ta perkurá pa pone bo outo riba kran i hib’é bo diler òf un garashi. Tur e servisionan aki ta inkluí den e miembresia anual di  24-7 Help Wegenwacht Curaçao.

AWOR KU 247 BONUS MILES I UN CHARGER PA OUTO!

Tur hende ku bira miembro promé ku 1 di sèptèmber lo risibí 247 Bónus Miles i un charger pa karga bo telefon selular den outo. Esaki ta bálido tambe pa hendenan ku ya kaba ta miembro di Wegenwacht Curaçao i paga nan kontribushon promé ku 1 di sèptèmber. E kampaña festivo aki ta brinda motibu èkstra pa skohe pa kore outo sin prekupashon ku e seguridat ku 24-7 Help Wegenwacht Curaçao ta brinda.

TOKANTE FUN MILES

Fun Miles ya pa mas ku diesinku aña ta é programa di spar i troka den Karibe. Ku mas di 150.000 miembro repartí riba sinku isla, Fun Miles ta fuertemente ankrá den komunidat i ta ofresé kontinuamente posibilidatnan nobo pa trese kosnan ‘fun’ na alkanse di hendenan ku tin un karchi di ‘Fun Miles’. Esaki ta posibel danki na partnernan ku ta varia for di supermerkado te ku aereolinia, i di restorant te ku pòmpnan di gasolin. Por spar Fun Miles na mas ku 150 lokalidat na Aruba, Boneiru, St. Maarten i St. Eustatius. Por troka Fun Miles pa un tesoro di produkto i servisio grátis. Fun Miles ta semper den sentro di atenshon danki na kampañanan inovativo (entre kua e kampañanan di fin di aña), evento i partnernan atraktivo manera 24-7 Wegenwacht Curaçao.

MAS INFORMASHON TOKANTE FUN MILES?

Tuma kontakto ku servisio na kliente di Fun Miles na 465 3300 òf bishitá funmiles.net òf facebook.com/funmiles.