E selebrashon 20 aniversario ta kontinuá

WILLEMSTAD – Fun Miles ta sostené Leerorkest Curaçao ku un donashon di 10.000 florin. Riba djasabra 3 di mart último Fun Miles a entregá un chèk na e organisashon. E orkesta a keda fundá aña pasá, dor di e.o. Tania Kross i Izaline Calister ku e meta pa duna kada mucha e oportunidat di siña toka un instrumènt. Esaki ta un di e kousanan ku Fun Miles ta sostené e aña aki, pa duna bèk na nos komunidat den kuadro di nan 20 aniversario. Tabata un momentu masha emoshonante ora ku e muchanan di e Leerorkest a sorpresá e tim di Fun Miles ku un bunita interpretashon di ‘Happy Birthday’.

Tokante Leerorkest

Ku un Leerorkest tur mucha ta risibí oportunidat pa siña toka un instrumènt i huntu hasi músika den un orkesta sinfóniko di nan mes skol, kual ta hopi importante pa nan desaroyo. Ku un orkesta di nan mes skol nan ta desaroyá diferente abilidat ku ta oumentá nan konfiansa propio. E promé skol ku a kuminsa e trayekto di un Leerorkest ta skol básiko Kolegio Maria Auxiliadora na Santa Maria. Pa realisá esaki ta traha huntu ku community center Kurá di Arte. E orkesta hubenil di Dennis Aalse tambe ta involukrá den e proyekto aki.

Fun Miles ta sigui selebrá su aniversario

Fun Miles ta selebrá e aña aki 20 aniversario komo e programa di spar i troka mas grandi den region Caribe. Durante di henter e aña lo trit miembronan ‘salú ku bolo’ riba promoshon, diferente oferta atraktivo, evento i mas. Huntu ku esaki ta añadí algun donashon, meskos ku esun realisá na Leerorkest Curaçao. Fun Miles ta motivá tur hende pa bishitá leerorkest.org i wòrdu inspirá pa den futuro tambe aportá na e bunita kousa aki.

Mas informashon tokante Fun Miles?

Tuma kontakto ku servisio na kliente na number 465 3300 òf bishitá funmiles.net òf facebook.com/funmiles.