Fun Miles ta lansa su app nobo i kompletamente rediseñá

WILLEMSTAD – Kuater aña pasá Fun Miles a lansa su propio app i tabata un di e promé kompanianan den Karibe pa hasi esaki ku éksito. Miembronan di Fun Miles a haña masha práktiko ku nan por a mira nan saldo miéntras nan ta den un establesimentu. Awe, Fun Miles ta bolbe subi e stándart ku un vershon kompletamente nobo di e app. No únikamente e ta modèrno, pero ta ofresé diferente funshonalidat nobo tambe. Entretantu e app bieu no ta funshoná mas, pues ta importante pa kita e vershon bieu i instalá esun nobo. E app ta grátis i ta optenibel den Apple Store pa iOS i den e Google Play pa Android.

Diferente opshon nobo

E app nobo di Fun Miles no ta un ‘update’, pero un eksperensia kompletamente nobo, ku diferente funshonalidat nobo tambe. Usuarionan por mira oferta di partnernan di Fun Miles mesora den nan ‘inbox’. Esei ta nifiká ku nunka mas nan lo pèrdè un bon oferta, por ehèmpel deskuento, dòbel òf tripel Fun Miles ku nan kompra òf karchi pa evento. Miembronan awor tin mas opshon pa manehá nan kuenta di Fun Miles tambe.

Funshonalidatnan konosí t’ei ketu bai

E app nobo tin tur e funshonalidatnan ku miembronan a bin ta kustumbrá kuné. Por menshoná ku ainda por mira bo saldo di Fun Miles mesora. Esaki ta masha práktiko ora ku bo ta den un establesimentu i ke sa si bo tin sufisiente Fun Miles pa bo troka. E app ta mustra bo estado di kuenta inkluyendo tur bo transakshonnan ku Fun Miles, di manera ku bo por mira detayadamente unda bo a spar òf troka Fun Miles. Ademas, e app tin hopi informashon di partnernan di Fun Miles tambe.

‘Log-in’ mas fásil ku nunka

E app nobo ta kumpli ku un petishon di hopi miembro: un manera mas fásil pa ‘log-in’. E app bieu tabata eksigí pa miembronan hinka e number largu ku tin riba su karchi i su kódigo sekreto. Ku e app nobo esei ta pasado. Por simplemente hinka un nòmber di usuario i un kódigo sekreto di bo preferensia. (E método simpel aki por wòrdu usá pa e wepsáit funmiles.net tambe)

Mas informashon tokante Fun Miles?

Tuma kontakto ku servisio na kliente na number 465 3300 òf bishitá funmiles.net òf facebook.com/funmiles.