Kumbiniente, informativo i servisial

WILLEMSTAD – Dia promé di novèmber último a tuma lugá un inovashon masha interesante na Van den Tweel Zeelandia: e Punto di Servisio di Fun Miles. Esaki ta un display den kual a inkorporá un televishon, un telefon i un iPad spesialmente pa kliente. Via di e televishon klientenan por mira diferente promoshon i oferta. Ku e telefon, e kliente por tuma kontakto ku servisio na kliente di Fun Miles i e iPad lo ofresé miembronan i tur interesado diferente aplikashon práktiko. Van den Tweel Zeelandia tin e primisia, pero no ta ekskluí ku den futuro lo tin mas Punto di Servisio di Fun Miles. 

Un servisio kompletu na kliente

E iPad na e Punto di Servisio di Fun Miles ta ofresé vários posibilidat masha práktiko. Usuarionan por haña diferente informashon balioso di Fun Miles, tokante partnernan i diferente manera pa troka Fun Miles. Tambe, klientenan por mira nan saldo di Fun Miles fásil i lihé. Te hasta ta posibel pa na e mesun Punto di Servisio registrá bo karchi di Fun Miles, esaki ta masha importante pa na momento di kambia bo puntonan.

Bèl of laga nos yamabo bèk

Durante ora di ofisina nos departamento di servisio na kliente por yudabo mesora na e telefon ku tin na e Punto di Servisio di Fun Miles. Despues di orario di ofisina e usuario por pidi un representante di Fun Miles pa yam’é bèk usando e opshon di ‘callback’ riba e iPad.

Tokante Fun Miles

Na 2018, Fun Miles lo selebrá su 20 aniversario komo é programa di spar – i troka mas grandi den Caribe. Miembronan di Fun Miles ta probechá kontinuamente di ofertanan spesial, promoshon fun i inovashon manera e Punto di Servisio di Fun Miles.

Mas informashon tokante Fun Miles?

Tuma kontakto ku servisio na kliente di Fun Miles na number 465 3300 òf bishitá funmiles.net òf facebook.com/funmiles.