Danki na tur partisipante i partner pa un kampaña eksitoso
WILLEMSTAD – Durante di e último lunanan Kòrsou a partisipá masalmente na Fun Dominoes, e kampaña di fin di aña di Fun Miles ku a regalá míles di premio, entre nan 1 mion Fun Miles. Despues ku hopi a gana premionan instantáneo durante di e kampaña, dia 4 di febrüari último Fun Miles a anunsiá ganadónan di e premionan grandi. E premio mayó, 1 mion Fun Miles a wòrdu ganá dor di sra. Soraida Mardenborough. Fun Miles ta felisit’é i ta dese’é momentonan kontentu ku e kantidat kolosal di punto, ku kual e lo por hasi hopi kos fun na mas ku 60 partner. Tambe, ta felisitá tur otro ganadó den e kampaña ku nan premio.
Kòrsou a biba ku Fun Dominoes!
E kampaña Fun Dominoes a keda lansá na òktober i a enserá karchinan ku a duna chèns di gana premio instantáneo i tambe premionan grandi. Pa gana e premionan grandi, mester a pega e piedranan di dominó korektamente riba un bòrchi di wega teniendo kuenta ku reglanan ofisial di dominó. Esaki a hasi ku miembronan a kuminsa buska e karchinan ku bastante fervor, resultando den un eskases serka diferente partner den luna di desèmber. Konsekuentemente a organisá dianan spesial na unda por a interkambiá e piedranan di dominó ku otro miembronan i kisas haña nèt esun ku tabata falta.
Por a gana diferente premio grandi
Ademas di e 1 mion Fun Miles, tabata tin mas premio grandi ku por a wòrdu ganá manera 5 x 20.000 Fun Miles di ENNIA, un sèt di regalo di Rituals na balor di f500, 1 minüt pa shòp mangel grátis na Jamin, i diferente bòn di regalo – te ku 2.500 florin di MCB, ASOgas, Mau-Asam Travel, TUI, BIB i Changes. Entretantu Fun Miles a tuma kontakto ku tur ganadó. Bishitá funmiles.net pa un lista kompletu di tur e ganadónan.
Danki pa un aniversario eksitoso
Durante henter 2018 Fun Miles a selebrá su 20 aña ku Kòrsou. A trit ‘salú ku bolo’ na su miembronan den forma di diferente kampaña, promoshon i evento. E kampaña di fin di aña Fun Dominoes tabata e klímaks! Fun Miles ta gradisí Kòrsou pa un aniversario spektakular i ta komprometé su mes pa un 2019 kargá ku kos bon so! Si bo no ke pèrdè e ‘fun’ sigui nos riba social media, bishitá funmiles.net of download e App di Fun Miles.
Mas informashon tokante Fun Miles?
Tuma kontakto ku servisio na kliente na number 465 3300, bishitá funmiles.net òf facebook.com/funmiles.