WILLEMSTAD – Mas i mas hende ta konsiente di e posibilidat pa usa Fun Miles pa reload nan krédito di Chippie. Durante e próksimo simannan tur hende ku hasi uso di e opshon útil aki outomátikamente tin chèns di gana premionan atraktivo manera un smartphone Samsung Galaxy S6 Edge i 50.000 Fun Miles! E promoshon aki ta wordu elaborá pa medio di un kampaña di publisidat ku kual lo enfatisá riba e fasilidat pa reload bo saldo ku Fun Miles. Klientenan di Chippie ku no tin un karchi di Fun Miles ainda por atkerí unu na kualke UTS Store i risibí 500 Bonus Miles mesora!
RELOAD LIHÉ I FÁSIL
Pa reload bo Chippie, úniko kos ku e kliente mester hasi ta manda un SMS na number 2222. Pa reload 10 florin (500 Fun Miles) ta manda un SMS ku e kódigo ‘RC 500’ i pa 25 florin (1250 Fun Miles) ta manda e kódigo ‘RC 1250’. Si bo ta desea pa chèk bo saldo aktual di Fun Miles promé ku reload, simplemente manda un SMS ku e teksto ‘MILES’ na 2222.
TEPNAN
Pa bo ta sigur ku bo reload ta logra, tene kuenta ku e siguiente puntonan:
- Bo number di telefòn mester ta registrá den bo profil di usuario di Fun Miles. Bishitá funmiles.net/account pa kontrola esaki.
- Verifiká ku bo SMS no ta kontené ningun eror na momento di manda esaki.
- Chèk bo saldo di Fun Miles pa sigura bo mes ku bo tin sufisiente miles pa e monto ku bo ta desea na reload.
GANA PREMIONAN ATRAKTIVO
Durante e kuater simannan ku ta bini (di 14 di mart te ku 11 di aprel) UTS lo rifa premionan atraktivo bou di tur usuario ku reload ku Fun Miles. Den siman di 14 di mart: un pakete SMART TALK di 200 minüt + akseso GRÁTIS na Skempi Den siman di 21 di mart: un pakete SMART TALK di 100 minüt + 2.5 GB SMART SURF Den siman di 28 di mart: un pakete SMART TALK di 200 minüt! Den siman di 5 pa 11 di aprel: e premionan prinsipal: un Samsung Galaxy S6 Edge i 50.000 Fun Miles
*Tur bùndel i akseso na Skempi ta bálido pa 30 dia. Lo rifa e dos premionan prinsipal bou di tur hende ku a reload nan Chippie ku Fun Miles durante henter e periodo di promoshon aki.
MAS INFORMASHON TOKANTE FUN MILES?
Tuma kontakto ku Fun Miles su Sentro di Kliente na 465 3300 òf bishitá funmiles.net òf facebook.com/funmiles.