Nan tambe a kontribuí na 20 aña di éksito!

WILLEMSTAD – Manera ya kaba tur hende sá, e aña aki Fun Miles ta selebrá su 20 aniversario. Demostrá gratitut na tur esnan ku a kontribuí na 20 aña di éksito ta sentral. Fun Miles a bin ta trit tur su miembronan riba diferente promoshon i oferta, a gradisí su partnernan den un selebrashon tur afó, i a hasi donashon na diferente bon kousa. Esnan ku sigur no por wòrdu lubidá den e selebrashon aki ta tur e kaheranan na e diferente kompanianan partner. Nan tambe a kontribuí grandemente na Fun Miles, ku awendia ta e programa di spar i troka puntu mas grandi den Karibe. Ta pesei mes tur kahera na Kòrsou a risibí e luna aki un regalito den forma di un ‘goodie bag’ yen di fun!

Embahadornan di Fun Miles

Sin e esfuerso di e kaheranan serka kada partner respektivamente, Fun Miles lo no por a kumpli su 20 aniversario. Nan trabou ta muchu mas ku djis swáip e karchi di Fun Miles; nan ta yuda i konsehá e kliente- tur esaki ku hopi entusiasmo! Ta pesei e kaheranan ta un berdadero embahador di Fun Miles. Komo danki nan a risibí un ‘goodie bag’ ku algun regalo ‘fun’, i un chèns di gana 20.000 Fun Miles.

Kumpleañera Fun Miles ta trit

Fun Miles a bin ta trit su miembronan ‘salú ku bolo’ durante henter 2018, esaki den forma di diferente promoshon, oferta i evento. E fin di aña aki, Fun Miles ta regalando míles di premio den su kampaña spektakular pa fin di aña, ‘Fun Dominoes’. Tambe, Fun Miles a duna èkstra na diferente bon kousa, manera 10.000 florin na Leerorkest Curaçao- fundá dor di Tania Kross i Izaline Calister. Aña no a kaba ainda; lo tin mas sorpresa! Si bo no ke pèrdè e ‘fun’, sigui Fun Miles riba social media. Fun Miles ta spera di por keda eksplorá e ‘fun’ huntu ku Kòrsou pa hopi aña mas.

Mas informashon tokante Fun Miles?

Tuma kontakto ku servisio na kliente na number 465 3300 òf bishitá funmiles.net òf facebook.com/funmiles.