Míles di premio den e spektakular kampaña di fin di aña

WILLEMSTAD – Un mion Fun Miles, vários kadóbòn i míles di otro premio mas. Tur esaki por wòrdu ganá ku Fun Dominoes, e kampaña sensashonal pa e fin di aña aki di Fun Miles! Miembronan ta keda premiá ku karchinan di Fun Dominoes ora ku nan shòp serka e diferente kompanianan partisipante. Parti dilanti di e karchi tin un área pa raspa kual e miembro por gana diferente premio instantáneo. Parti patras, tin ilustrashon di un piedra di dominó. Esun ku pega 10 piedra korektamente riba e bòrchi di wega di Fun Dominoes tin chèns di gana e premionan grandi di e kampaña. E kampaña ta vigente te ku 31 di yanüari 2019 riba islanan ABC, pero na Kòrsou tin un aksento èkstra festivo ya ku Fun Miles ta selebrando su di 20 aniversario. E reglanan di kampaña i un lista kompletu di tur e premionan ku por wòrdu ganá ta riba funmiles.net/fundominoes.

Asina fásil: premionan instantáneo

Esun ku kumpra na un kompania partisipante i swáip su karchi di Fun Miles, ta risibí un òf mas karchi di Fun Dominoes. E montante pa kual bo ta risibí un karchi di Fun Dominoes ta varia serka kada kompania partisipante. Ora ku bo raspa parti dilanti di e karchi bo tin chèns di gana un di e míles di premionan instantáneo, for di dòbel òf tripel Fun Miles te ko’i hunga grátis na Top 1 Toys i for di deskuentonan di 100 florin na WIMCO te ku entrada grátis pa The Movies.

Pega e piedranan di dominó riba e Fun Dominoes pa e premionan grandi!

Esnan ku ke ta den wega pa e premio mayó di 1 mion Fun Miles òf un di e otro premionan grandi, mester pega porloménos 10 piedra di dominó korektamente. Por haña e piedranan parti patras di e karchi di Fun Dominoes. Plak e piedranan riba e bòrchi di wega di Fun Dominoes i klá ta! Por buska e bòrchinan di wega grátis na kompanianan partisipante i na ofisina di Fun Miles. Reglanan stándart di dominó ta aplikabel: number mester kuadra i bo promé piedra mester ta dòbel seis. Ora ku kompletá e wega, mester deposit’é promé ku dia 1 di febrüari 2019 den e buzonnan spesial na Changes Punda, ENNIA Sambil, Kooyman Jan Noorduynweg òf Zeelandia, Van den Tweel Supermarket òf na ofisina di Fun Miles na Dominguito. Lo saka e ganadó den promé siman di febrüari 2019.

Premionan spektakular

Ademas di 1 mion Fun Miles tin vários otro premio ku por wòrdu ganá, manera 5 x 20.000 Fun Miles di ENNIA, 10 kámara di UTS, un sèt di regalo di Rituals na balor di 500 florin, piki tur e mangelnan ku bo ta antohá durante 1 minüt grátis na Jamin, i diferente kadóbòn te ku 2.500 florin di MCB, WIMCO, ASOgas, Mau-Asam Travel, TUI, Betonindustrie Brievengat i Changes.

Klímaks di e aniversario di Fun Miles

Fun Miles a bin ta trit tur hende e aña aki riba ‘salú ku bolo’ pa selebrá su 20 aniversario, esaki den forma di diferente oferta, promoshon i evento. Hopi miembro di Fun Miles a gana diferente premio fantástiko kaba. E kampaña di fin di aña ta e klímaks, sinembargo lo revelá diferente sorpresa mas den e último lunanan di 2018. Si bo no ke pèrdè e ‘fun’ sigui Fun Miles riba social media. Fun Miles ta spera di por keda eksplorá e ‘fun’ huntu ku Kòrsou pa hopi aña mas.

Mas informashon tokante Fun Miles?

Tuma kontakto ku servisio na kliente na number 465 3300 òf bishitá funmiles.net òf facebook.com/funmiles.

Patrosinadó mayó na Kòrsou:

Coca-Cola, Kooyman, McDonald’s, MCB i UTS.

Kompanianan partisipante na Kòrsou:

Aldo Shoes, ASOgas, AutoCity, Betonindustrie Brievengat, Bob Carwash, Body Care Caribbean, Bruna, Changes, Changes ProSport, Coca-Cola, Converse, DA Drogist, ENNIA, Feetfirst, Jamin, Kooyman, Mau-Asam Travel, MCB, McDonald’s, Pearle Vision, Rituals, SuperKidz, TDS, The Movies, Top 1 Toys, TUI, UTS, Van den Tweel Supermarket i WIMCO.