WILLEMSTAD –  Djamars awor , Freewinds un  biaha mas lo tin un otro konsierto grátis, ku partisipashon di artistanan lokal i  internashonal.  E artistanan lo  e biaha aki lo presentá riba Freewinds ta Desiree den Dunnen, e guitarista Ray Meit, e hóben Kadir Snijder i tambe e kantante Iran Kelly i tambe NGN Brazz ku Rafael Rey komo trompetista invitá. Manera ta konosí, kasi tur biaha ku e barku Freewinds ta na Kòrsou, nan ta tene konsiertonan sea pa rekoudá fondo pa un instituto karikativo. Na momentu ku esei no ta e kaso,  hopi biaha Freewinds ta organisá un  konsierto grátis pa pueblo di Kòrsou. Esei ta e kaso djamars awor dia 10 di febrüari, ora ku The Freewinds Band  huntu ku e konosido guitarista lokal Ray Meit i tambe NGN Brazz plùs lo bringa un konsierto ku vários artista interesante, tantu lokal komo internashonal. Riba tròmpet lo tin un guest  den persona di Rafael Rey. Pa loke ta trata e artistanan ku lo presentá,  Desiree den Dunnen, un kantante hóben lokal. E kantante aki den pasado a yega di laga tremendo impreshon atras. Tambe lo tin presentashon di e hóben  kantante lokal Kadir Snijder ku kada biaha di nobo ta hasi tremendo papel riba Freewinds ku su tremendo bos. Iran Kelly lo ta un kantante internashonal ku  tambe lo presentá riba Freewinds, kantante vários kansion. Ta trata aki di un kantante di Venezuela ku lo keda kompaña pa  The Freewinds band.

ENTRADA GRATIS

Manera nos a bin ta mustra, entrada pa e konsierto aki ta grátis. Tin 300 asiento disponibel i e úniko kos ku mester hasi ta yama 661-3227 pa konfirmá bo asiento. Djies bo mester bisa kuantu hende bo ta bini ku n’e. Tur esnan ku a presensia e konsiertonan riba Freewinds,  ta testigu ku ta trata aki di konsiertonan dushi, sigur ku ta hasi tur hende felis i kontentu, disfrutando di músika. E konsierto ta kuminsá pa 8 or di anochi, pero ta pidi tur hende pa nan tei for di 7:30 pm pa asina ei nan por drenta trankil i disfrutá di e tremendo show aki djamars awor dia 10 di febrüari 2015.  For di aki nos ta deseá tur hende un dushi konsierto.