Willemstad, Awe djabièrnè 10 di aprel ta e gran estreno di Ousilio, Nan ta biba den nos. Komedia nobo skibi pa Mahalia Sparen, adaptá i dirigí pa Edion (Loloy) Booy. E komedia aki ta e promé finalista di un proyekto edukativo ku Teatro Luna Blou i La Tentashon ta organisá, kual ta Festival Historia Nobo. E proyekto aki ta pa insentivá eskritor nan nobo pa krea nan propio historia, krea eskritornan i aktornan nobo. Den e kaso aki Ousilio, nan ta biba den mi kas a sali promé finalista i historia mas popular. Ousilio nan ta biba den mi kas ta bai tokante di: Frank i Marlene ta disidí di gosa di nan penshun i bai di biahe pa tres luna largu. Frank ta laga Toni, nan yu keda na enkargo di e kas. Toni ta yen di prekupashon, un gastunan di kas i dos su kasa Stephany ta blo heringá ku e ke bai hasi su pechunan i chanchan na Colombia. Esaki ta keda pèrsistí i Toni ta komplasé, pero nan tin mester di sèn pa kubri tur gastu. Esaki ta disidí di hür e kas di su mayornan. Ora Frank i Marlene bin for di nan fakansi nan ta haña e sorpresa ku e kas a bira un kas di kuido pa ansiano i nan ta konfundí esakinan ku otro pashèntnan. E gran estreno lo ta awe djabièrnè 10 aprel nueb’or i siguiente funshon lo ta dia 12 aprel shet’or di anochi na La Tentashon. Entrada ta Nafl 25 i miembronan di Teatro Luna Blou i La Tentashon ta paga Nafl 20,-. Karchi ta optenibel na Teatro Luna Blou, Time to Time (Saliña) i na Pòmp Sta. Maria. Pa mas informashon por yama Teatro Luna Blou na +5999 462-2209/ +5999 524-8525. Bo por chèk nos página nan wèp. www.lunablou.com. Tambe bo por sigui nos riba facebook: teatro luna blou i la tentashon.