Djarason 29 di oktober 2013 representantenan di e produkto Cambridge na Korsou Royalcam a tene nan Rueda di Prensa. Royalcam Curacao a informa durante nan presentashon nan intenshon pa via di nan proyektonan kontribui na desaroyo di un Kòrsou positivo. Meta di e rueda di prensa tabata partisipashon di e gran evento “The First Caribbean Slimmer of the Year Award Show” ku ta tuma lugá djadumingu 10 di Novèmber 2013 di 6:30or pa 10or di anochi na K-Center, Brievengat. Pa prome bia Korsou lo ta e sede di un tremendo espektákulo di show, musika i moda. Na e okashon aki lo duna un rekonosementu spesial na tur e Caribbean Slimmer’s ku a logra transforma nan mes eksitosamente den e figura desea, mehorando nan salu ku bahamentu di peso exitosamente. Un i tur ta keda invita na e tremendo show aki. Atrakshon spesial lo bai ta un Fashion Show bou di Guia di Deva Dee Sille,kantantenan invitá ta Ced Ride, Boy Thode, Liesje Liespier, Raynor Lauffer i Heinrich Pieter. Tambe lo tin un drama-komedia i entrenimiento musikal. Royalcam Curacao ke konsientisa e pueblo di Korsou riba e problematika di Sobrepeso i Obesidat. Tambe Royalcam Curacao ke hasi uso di e oportunidat aki pa gradisi tur su patrosinadònan: Refineria ISLA, Mr & Mrs Exclusive, Curacao Industrial Diving, Mangusa Supermarket, Senor Barata, Tasharlindia, ku ta hasi e gran espektakulo aki posibel. Karchinan pa e evento aki ta kosta 25 florin i ta optenibel na Cambridge Curacao Janthiel of na Julianadorp i na Mensing’s Caminata. Pa mas informashon por yama na tel: 747-9059 / 736-5919