E komishon organisadó di festival un kanto pa Kòrsou 2018, Institituto pa formashon muskal i sektor kultural di Ministerio di enseñansa,siensia , kultura i deporte, ta sumamente satisfecho ku e resultado di e festival. Ounke e organisashon a konfrontá na prinsipio problema, pa e falta di sufisiente profeshonal den sekshon di brass, durante e  último  dianan ensayonan a kana hopi bon, despues ku e sekshon di brass a bira kompleto. Aki ta bai palabra di gradesimentu na funshonarionan di Imigrashon i Toelatingsorganisatie, ku a kontribuí, pa por kaba regla dokumentonan.

Un danki spesial na Sherrel Semeleer,pa su aporte balioso na e festival. E festival aki ta di sumo importansia pa nos pais, i ta pesei ta importante, ku e kansionnan aki, ku mesahenan profundo por keda zona na Radioemisoranan i plantanan di Televishon. E komishon kier manda palabranan di felesitashon na tur partisipante, pero mui en espesial, na Lady Su , pa su bunita interpretashon di e komposishon di Darwin Gregg, Kòrsou mi dushi. Gregory Colina a traha un tremendo areglo i nos orkesta den un forma profeshonal a kompañá tur e kantantenan.

Pabien tambe na Eldridson Eugenia pa su dos komposishonnan, intrepretá pa Yentje i Naomie Sirvania, ku a finalisá na di dos i tres lugá. Un gradisimentu na prensa en general , i  gradisimentu na  Telecuracao, TV Direct, redio Mas i TCFM ku a transmití e festival pa tur esnan ku a gosa pa medio di e transmishonnan. Finalmente e komishon kier gradisi esnan ku a sostené e festival, ku ta gobièrnu di Kòrsou, Amaki, Licores  Maduro, Multipost, Coca Cola, Cursoft,