WILLEMSTAD — Manera ta konosí Festival Un Kanto pa Kòrsou ta bai tuma lugá djadumingu awor dia 8 di yüni pa 7:30 den WTC. E kompetensia di e aña aki ta hopi interesante i for di djadumingu i ayera nochi ensayonan a tuma lugá i e públiko ku ta bai presensia e festival aki, lo por apresiá piesanan nobo na nivel ku lo kanta Grandesa di nos pais. Ensayonan ku falta ainda ta awe djamars, mayan djarason i djaweps miéntras ku e ensayo general ta djasabra na Curaçao Festival Center entre 3 or pa 6 or di atardi. E komishon organisasador a reuní riba e último detayenan ta bon pa bisa ku ta bale la pensa pa bo buska bo karchi for di awor aki na rason di  35 florin na Beep Beep Rio Canario, 24 uur uit de muur Festival Center i serka e partisipantenan. Si sobra karchi esakinan lo keda bende na rason di 45 florin na porta. E artistanan lokal ku lo partisipá den Festival Un Kanto pa Kòrsou 2014 ta: Harliane Silvanie,  Lisella Thomas, Sherendly Domacasse, Merietza Haakmat, Gerseline Pinedo,  Charlotte Lopes-Vanblarcum, Agnieska “Angie” Croes, Wimpy Dunk,  Resheline Stefania, Jill Frans,  Rebecca Benschop, Moises Ramos, Tito Doran,  Lady Su, Rachid Richardson,  Virnalissa Villanueva,  Shannon Martha i Nihaily Toppenberg Festival Un Kanto pa Kòrsou 2014 ta bai bira un evento grandi. Pues buska bo karchi na tempu, pasombra Un Kanto pa Kòrsou ta den su rekta final.