Pizza Hut ta sigui kere den talentonan hóben

WILLEMSTAD, Kòrsou – yanüari 2015: Miéntras ku adultonan ta den pleno ‘swing’ di anochinan preliminar di Festival di Tumba, e hóbennan ta den ensayo pa nan partisipashon djasabra awó pa Tumba Hubenil. Pa algun aña ya kaba ámbos Festival di Tumba, grandi i chikí por konta ku sosten di Pizza Hut. Ademas di ta un di e ‘branding partnersnan’ den Festival di Tumba, Pizza Hut ta kere den krea tumberonan pa futuro i ku esaki den mente ta duna sosten na partisipante number 7, Naemy Kirindongo. Esaki ta e di dos aña konsekutivo ku Pizza Hut ta huntu kuné. Djadumingu 23 di yanüari próksimo,  Naemy  lo partisipá huntu ku otro 14 hóben pa e titulo máksimo.

Naemy su tumba titulá ‘Piratanan di ambiente’ ta komponé pa e hóben popular Furgell Wijgaarden- tambe partisipante fuerte na Festival di Tumba e aña aki i areglá pa e maestro Gregory Colina. Pizza Hut ta deseá tur partisipante hopi éksito den Festival di Tumba Hubenil 2016 i ta invitá pueblo di Kòrsou pa apoyá e hóbennan djasabra awó dia 23 di yanüari den Curaçao Festival Center.  Laga nos disfrutá di e tumbanan ku dia 31 di yanüari próksimo lo zona den Marcha Hubenil. Éksito na tur hóben!